هاجس
هاجس
شو بحال الدنيا كلما فكرت تاخذني سكته
جاي. أشوفنها تدوس بحيل فوك المال بخته
وآني أدري بختي مايل مو إستوني من الزغر كِلِش عرفته
ياهضمنة ليش مرات السعادة لو تمر
بينة تجي لحظات وهم كلش كصيرة
وليش حتى أحلامنه المعجونة بالهم
ما تصير حتى لو جانت صغيرة
وزغرت أحلام الشباب التوسع الدنيا الجبيرة
وليش فيض الماي عدنة
وإحنة عطشانين جن إحنه بجزيرة
وليش أكثر ناسنه التعبانة تتوسد حصيرة
إحنه جاي نموت سكته
وأبد محد يدري بينة
إلمَن نعاتب؟ ....زمان الشايل سلاحة وركض يركض علينه
لو الدنية ...التهدم بكل حايط عليه إحنه إنتجينه
الحَدَت سيوف المبارز وبصلافة عين تلكُف ما يجينه
وتضحَك ويكثر ضحكهة شما كِصَت وشما بجينه
عاد كافي إنوب تفترين علباقي البدينة
جزنَه ماردنَه العنب
بس ردي سلتنه رضينه
وإحنه بطلنه البجي
بلكي الفرح يغلط بيوم ويفك عينه!!
رد مع اقتباس
