ام تخاطب ابنها وهو في القبر..........
ماصرت ابلاش انكسر ضهري عليك.
وكلت فدوة الضهر للماكسر خاطر
اخضرشاربك بعدة وصرت حمــال
شنو شمالة الندى مايعرف يعاشــــر
اذب دجلة وراك الغبشة من تروح.؟
مو للشغل طالع جنك مســــافر
ثوب العيشة يسحل مو قياسك جان
الدراسة تلوك الك مو خزرة التاجر
طوب يطبهم البطلو مايقرون
الهضيمة انته عفتها من جنت شـــاطر
يالجيب الشهادة مطرزة بعشرات
الاول على الصف وتكعد العاشر
وعلي صبورتك لازم وراك تصير
والدرس الي تغيب عنة لازم ينحسب شاغر
انا بجيبتك غير بعلي اتنسيت
ويوم بموتك غير انكلب عاشر
السبع بطون شالن غورتهن بيك
الله يعينها من تشوفك العاكر
نيتك وين جانت وانا نيتي شلون
احس روحي صلفة من اذكر الصاير
انته تكلي اجمع خاطر تحجين
وانا اكسر قاصتك وانصبلك الجادر
بيا شارب عفتني وجوهم صحراء
وكلمة حرام شتعني للكافر
رد مع اقتباس
المشاركة الأصلية كتبت بواسطة انور 777
