ما يرد الراح دمعات العيون ...و زايده من دموعي تكتبلك شعر انه وانت ايام صارت ذكريات ...
وانه وانت اقلام ما بيهة حبر...وانت جثه اتحولت من غير روح شوف يا روح المشت ردهة نذر
نيت انت اريثك من حقي الرثاء وانثر جروحي على اوراقي نثر ... واحجي قصه قلبي ضل منك جريح ينتضب كل موت و يمل
الصبر احجي وادري اجروحي يلجمه الكلام وادري ميته اشواكنه شما تحتضر وادري ردت تعيش مترف بالحياه
وادري ما افيدك كلي عسر وادري حب ثاني عرفته وغيراك لاجله بعت ايامنه وحلم الصغر بعت تعبي ودمعي
وفرحي بيدك وباعتك دنياك وبارخص سعر واشتراك الجان حاسدني عليك وانت ملكه الان ويامرك امر ...
واني رديت وجرح قلبي جبير ومن يجيني الليل يعصرني عصر شوف وين انه وصل بيه المطاف تاخذ
عيوني عله دموعي اجر ...وانه كل هذا واذكرك بالكلام مو بديه ايام وصلك تنذكر ...لان جنت بيوم اليه
اغلى حبيب واحد اصبحنه جبل ما ينقصر وهسة صرنه اثنين وتفاركنه دوم وصرت انه وانت مثل جسر النصر ...
وانه هم انتضر لكن بس خيال ويا خيالي وياك صايرلك عذر ...اكسر الخاطرك صرت بس ما شكيت شجره يضحك
عوده ويبجي الجذر ويمي نار الدنيه خلالها الزمان يم اديه وحاط يم ضهري جمر وارغمت روحي وكلت بهداي اموت
وارتضيت الموت من شفتك كبر جنت اكول العمر يخلص واستراح وخلصت كلي ولا فض العمر .......
رد مع اقتباس
