هم يا كلب باليجي
وحن يا كلب عالــــراح
واسبح ابشطّ الحزن...ظهر ومسه ومصباح
هيم ابصحاري التعب
واجويك من ترتـــاح
ما دام ضاع القفل...شنسوي بالمفتــاح
ملّيت وك يا كلب
دكّاتك امسودنـــــــــــه
وجنهن ابضلعي ارمــــــــــــــــــــــ ــــــــاح
جم موت اجّه وما متت
يلبيك سبع ارواح
وياك آني حرب...وكلمن يشيل اســــــلاح
تكتلني لو أكتلك
بالحالتين ارتـــــــــــــاح
فاتك قطار الهوه وابعيد عنك صــــــــــاح
والشيب حنّه الزلف
وانّوب بالخـــــــد لاح
امشي اعله حد الحزن لن الحزن ذبــــاح
يا آدم اشحصلت
من شجرة التفـــاح
رد مع اقتباس
المشاركة الأصلية كتبت بواسطة انور 777
