هنا

[QuRsAn Al7OoB]

السلام عليكم
اليوم حبيت اقدم الكم هذا الموضوع الي فد يوم من الايام جنت اتناقش بيه اني وعمي الي هو اخو ابويه ؟
طبعا هذا قبل متجيني زنوبه ؟
والحجي هذا قبل 10 اشهر
وجنت اريد اسمي المولود الجديد
وسألني شراح سمي البنوته الجايه
كتله والله ماكو احله من اسماء اهل البيت عليهم افضل الصلاة والسلام
وكتله زنوبه
طبعا كلي
تعرف اسماء اهل البيت اله ثقله وهيبته ومو بالسهوله احنه نشيل هاي الاسماء المباركه
جوابته كتله صحيح
وكلي الامر الثاني
تعرف اكو بي ربط بين الشخص والاسم
مثلا اسم زينب
هاي تكون مظلومه
لان زينب عليها السلام جانت مظلومه ولو تلاحظ على مستوى منطقتنا وشوف اسماء زينب وحتى بين الاقارب شوف انو كثير من النساء الي حاملات هذا الاسم تشوف اكو صعوبات بحياتهم
وعددلي الاسماء وكل الاسماء الي عددها اني اعرفهن والحجاه ينطبق عليهم
وكلي سمي زهراء وشوف شكم زهراء وهم عددلي وشفت حياتهم ماشيه وبدون صعوبات
وبده يعددلي هواي اسماء
واخر شي كلي صدام شكم صدام اكو ضالم وشف الي اسمائهم صدام شنو شخصياتهم وعددلي واكو اسماء اني اعرفهم وشفت بلاوي منهم بهذا الاسم
شنو رايكم بهذا الموضوع وهل هذا الي حجيته صحيح
اكو تاثير للاسم او ربط بين الاسم وشخصيه
لو مجرد صدف
منتظر منكم مناقشه حلوه على هذا الموضوع واريد اوصل وياكم النتيجه

[Mr. Iraq]

موضوع جميل جداً كلامك صحيح الربط الي تفضلت بي موجود بس يلفه الغموض!

[fairy touch]

زين اللي لفت انتباهي مسألة زهراء ...ليش الزهراء عليها السلام كانت حياتها ماشية بدون صعوبات ؟...لا يمعود كول غيرها ...هي مظلومة مقهورة مغصوبة الحق ...ويكفيها مصيبتها برسول الله ...
اما بالنسبة لزينب مثلاً
فأني اعرف كذا زينب ما شاء الله ماخذين حياتهم بالطول وبالعرض ...طبيبات مشهورات ،لندن توديهم والامارات ترجعهم ...
اعتقد ياخوية الموضوع لا يعدو كونه مصادفات ....وتحولت الى معتقد ...
وهناك العديد من الاسماء الجديدة ...شلون ممكن تصنفها وتحت اي باب ....هيا وميار و لينا و سوزان ...وووو

وطبعا كل انسان اله وجهة نظر ...

شكرا للموضوع الواقعي

[شيفرة دافنشي]

عزيزي الواضح أن لا علاقة لما تفضلت به سوى ما ورد من الأثر عن النبي (ص) والأئمة (ص) من إحسان التسمية وعدم تسمية الأولاد بأسماء البغاة والظلمة والأسماء التي تكون مداليلها غير مستحسنة وهذا واضح بالطبع لجميع الأخوة والأخوات .. لكن في حياتنا نلاحظ ما تفضلت به مع كون أن هناك مغالطة ما فالزهراء (ص) كانت حياتها كما تعلم موصفة بالتعب والحزن والظلم .. وعلى أي حال .. فكما أسلفت أننا نلحظ أشخاصا بأسماء معينة يكتسبون الصفة الحسنة أو السيئة وهذا غريب بالفعل .. خذ عندك فأنا لم أتعرف أو أعرف شخصا باسم صلاح إلا وكان عكس ما يدل عليه اسمه .. بالتأكيد أنا لا أعني إلا من عرفتهم في حياتي وهذا الأمر عجيب فعلا .. كذلك الحال مع صدام وهو كما تفضلت .. كما أني ما رأيت فتاة أو امرأة باسم زينة إلا ومدلول الاسم معكوس تماما.. شكرا لك أخي العزيز على الموضوع الحواري.. كل الود.

[qas!m]

في بعض الحالات نعم يمكن القول يوجد تطابق بين الاسم وبين السمة العامة لتلك الشخصية
وفي بعضها الاخر لا يلاحظ مثل ذلك
لذلك لا نستطيع اعتماد هذه الحالات كقانون ثابت
لكن علماء التربية اعتقد يحثون على اختيار الاسماء الحسنة ...
اما ما وراء ذلك .... فعلمه عند الله سبحانه...
لكن ...هنا ممكن نطرح سؤال حلو للاعضاء...وهو

هل ترى ان اسمك.... يحمل الكثير من معاني شخصيتك ...ام لا؟؟؟؟ ونشوف الردود

[QuRsAn Al7OoB]

الاعضاء الاحباء
ما تفضلتو بي صحيح
بس خلي كل واحد من عدنه يختار اسم مثلا احمد ويشوف فد عشرة اشخاص بهذا الاسم ويشوف مدى تأثير هذا الاسم ومدى الربط بي هولاء الاشخاص
راح تشوفون اكو ربط بين كل هاي الاشخاص ؟! وهل يكدر كل واحد منكم يحلل هذا الشي
حوارنا مارح ينتهي
ننتظر اجابات اكثر
واعتقد الموضوع يستحق التثبيت

[QuRsAn Al7OoB]

الاخت fairy touch ما اعتقد مصادفات
الانسان اول مينولد يجي اسمه ويه
ولو ملاحظيين شكد نختار اسماء لاولادنا والاخر لو نختار هذا الاسم او نغيره باللحضه الاخيره
اعتقد لازم اكو فد تفسير الهذا الشي
شكرا جزيلا على المرور

[QuRsAn Al7OoB]

موضوع جميل جداً كلامك صحيح الربط الي تفضلت بي موجود بس يلفه الغموض!

كلامك صحيح نحاول نوصل الفد شي

[QuRsAn Al7OoB]

عزيزي الواضح أن لا علاقة لما تفضلت به سوى ما ورد من الأثر عن النبي (ص) والأئمة (ص) من إحسان التسمية وعدم تسمية الأولاد بأسماء البغاة والظلمة والأسماء التي تكون مداليلها غير مستحسنة وهذا واضح بالطبع لجميع الأخوة والأخوات .. لكن في حياتنا نلاحظ ما تفضلت به مع كون أن هناك مغالطة ما فالزهراء (ص) كانت حياتها كما تعلم موصفة بالتعب والحزن والظلم .. وعلى أي حال .. فكما أسلفت أننا نلحظ أشخاصا بأسماء معينة يكتسبون الصفة الحسنة أو السيئة وهذا غريب بالفعل .. خذ عندك فأنا لم أتعرف أو أعرف شخصا باسم صلاح إلا وكان عكس ما يدل عليه اسمه .. بالتأكيد أنا لا أعني إلا من عرفتهم في حياتي وهذا الأمر عجيب فعلا .. كذلك الحال مع صدام وهو كما تفضلت .. كما أني ما رأيت فتاة أو امرأة باسم زينة إلا ومدلول الاسم معكوس تماما.. شكرا لك أخي العزيز على الموضوع الحواري.. كل الود.

مشكور على المرور وشفت ما وصلت الشي

[QuRsAn Al7OoB]

الاعضاء الاحباء
ما تفضلتو بي صحيح
بس خلي كل واحد من عدنه يختار اسم مثلا احمد ويشوف فد عشرة اشخاص بهذا الاسم ويشوف مدى تأثير هذا الاسم ومدى الربط بي هولاء الاشخاص
راح تشوفون اكو ربط بين كل هاي الاشخاص ؟! وهل يكدر كل واحد منكم يحلل هذا الشي
حوارنا مارح ينتهي
ننتظر اجابات اكثر
واعتقد الموضوع يستحق التثبيت

رايك صحيح منورنا