شنسى منك، وانت كل جروحي منك،
شنسى كلبي، انسى حبي، انسى روحي الي تطير وماتحط اله عله صدرك،
شنسى وانت سنين عمري ،
شنسى وانت احلام زغري،
شنسى رسمك، انسه اسمك،
انسى عيني الخلصت دمعي عله هجرك.
انسى عينك، انسه صوتك، انسى ضحكات الفرح .انسى شهكات النفس،
انسى شوكي الي طفح، شنسى وانته بكل مكان الكاه ضلك.
شنسى ايدك، شكدر انسه،
لازم ابتر جف اديه الجان متعود يكض بشوك جفك.
الشامت شره مافد يوم جفاك
ماي انت عله ناري وكام جفاك
شتظن تكدر تشوف لعين جفك
وي جف الغير من تكبل عليه
شنسى شعرك، ذاك المغطي البياض الفوك ظهرك. لازم انسى اليل بعدك، وانت هسه بلون شعرك صار كلبك.
شنسه شفتك، انسى خدك، انسه عطرك، لازم انسه شفاي عندك، ولازم انسى هواي بعدك، وبعد مااشم الورد،
لأن جان الورد مايغفه وينام اله عله حضنك
وحته انسى ،لازم انسه، ولو نسيت انساك يمكن ،ولو شفت غيرك اكولن انت ذاك،وهم ارد ارجع واذكرك،
وانته روحي ،وياهو يكدر ينسه روحه.
وانت كلبي، بكل غرامه وكل جروحه.
وانت ظلي، وانت عنوان الحيات.
ويعني كلبي يصير بيدك. تريد تذبح ما امنعك،
وانه كلبي من الطفوله امسلمه بأمرك.
رد مع اقتباس
