هنا

[امير المحاسبه]

***... سوار مفقود ...***

سهله دموع رادت توكع العيـــــــــن .... لان جنك صدك مارايد اتعـــــــــود
ولفيض الدمع من صارت اضـــرار .... عله الكصه ابلم هجرت الخــــــــدود
صرت واحه وخريفك صار الفراك .... ورسم منظر الواحه ابوكت صيـهود
اذا طاح الورك يعني انته ماكـــــــو .... وذا طك الورد يعني انته موجــــــــود
انه بيك احترك بس تزعل ويـــــاي ..... وخل الناس توكف علحجي شهـــــود
لتكثر العتب شخاطه خليـــــــــــــك ..... وامر اني بصفحتك محترك عــــــــود
وراك السوك صعد كل الاسعــــــار ..... وانباعت الخضره بسعر الـــــــــورود
وانه ادري بجيتك علعود حلويـــــن .... عليهم بس تمر تكلبهم جـــــــــــــــــرود
الك بيبان سته بكلبي سديــــــــــــت .... وراك اركظ واشكك ردن الزنــــــــــود
اجيت وباب كدامك فتح بــــــــــاب .... العزيز انته شيكضك باب مســـــــــدود
شيخ اعله العشيره الجابتك صيــــر .... وذا من شجره طايح يعني عنكــــــــود
جا حوريه كلنه وجابتك نـــــــــاس .... لو صاير كبل بالجنه فرهـــــــــــــــــود
ثغرك ظاع حرنه شنكتب اعــــلان .... اذا خيط الذهب عالشفه مـــــــــــــمدود
انجبرنه اعلان نكتب نحظر هناك .... على من يعثر اعله سوار مفقــــــــــــود
بطريقك سيطره وماتستــــقر دوم .... لان رايح عليهه وراجــــــــــــــع اردود
اذا شالك تلبسه اتلبس الجيــــــــش .... وذا شعرك تسرحه اتسرح الجــــــــنود
كبل ليفوت وكتك خلني اهـــــواك .... لان عمرك وعمري بهاي محـــــــــدود
اصيرن حصتك لو حصتي اصير .... كبل لنصير باجر حصة الــــــــــــــدود



الشاعر الشاب
هاني المياحي
جامعة واسط
مندوب مجله سحر الشعر في الجامعة
شاعر يخط الطريق بنجاح ويمشي ملكا

[علي الواسطي]

شكرا عالقصيدة
ننتظر منك المزيد تحياتي

[علي سالم]

مشكور اخونا امير عالنقل تحياتنا الك وللشاعر المبدع

[EvAnEsCeNcE]

كلمات رائعة جدا بالتوفيق الى هذا الشاعر المبدع
شكرا الك

[Daleen]

كلمات جميلة

دام الكاتب(هاني المياحي) والناقل (امير)
بهذا التميز

تحياتي

[ღ عِشق ღ]

كلمات جميلة
لـ هاني المياحي
.....
اعجبتني ..