على اجتاف الارض خطواتك اجبال
لجنك بيد سائـــــل ياعلي اتذوب
علــــي بأكتار ضلك تمشي الايتام
رغم جانت ابجيتك توكف اكلــوب
علي بدرب الركاب اجدامك اسيوف
تنكـــت عالجثث بتلال الذنــوب
علي جلد الحرب بيـــك انترس خوف
لحد مافصلتلـــه ابيمنتك ثــــوب
اعتبار لفاطمه من دكــت البــاب
كسرت اباب خيبــــر هيبه البوب
اكبالك فرعــت بالكعبه حيـــطان
ميانه وجي ركن عالبيت محســـوب
غريبه افكاري يمك وانتجـــــه الليل
عليهه وجم حـــلم بالــليل مطلوب
اســـــد وابين حضنك تغفه الطيور
وفضل بالغار ردتلك حمامــــــــه
بفراش و {وإحد} و{باليل} و { وبغار}
لمحمـــــد ياعلي جنت السلامه
متودعك الزهره بمعركه وموت
لجنهه اتوادعك يم اليتامـــــــه
حقيـــــقه ابنص حلم عنوانك ايصير
الورد والسيــــــف صارلك علامه
فقيـــــر ايجدي صوتك حته الاذان
كاعد ياعلي اباب القــــــــــامه
الغريبه ابلا غريبه ابحيدره اتعيش
عزرائيل جف وجف سلامـــــــه
علي اشكد يستحي من كلشي موجود
كلشي ابحيدره تلكه احترامـــــــه
علي زارع ابجفه اعيون الايتام
لذلك ماحصد عضه ندامــــــه
علي بشباج عرشك تنتجي اهموه
الوحيد اتزيلهن وبلا ملامــــــه
ادموع اطوف يمك تشتهي اجفوف
ترسم فوك خطوهه ابتسامه؟
رد مع اقتباس
