درر العراق

إدريس · 23/February/2014

في يوم مشرق مبهر

كعدت تعبان من النوم

( اكيد خمسطعش ساعة من النوم المتواصل)

حقي اتعب.. قررت اني اتكشخ.. وأذهب كالعادة لمغازلة بعض

البنات

..

بما اني شاب انيق.. شاب يافع .. هزيل المنكبين.. المهم

طلعت الساعه خمسة الصبح رجعت الساعة تسعه بالليل ..

تصدكون ولا بنت شفت بهذا اليوم

تدرون ليش ..احجيلكم بس لا تعلمون .

رحت لأعدادية الأنفلوطي للبنين.. كانت اللوحة مكسورة وما شفت بس كلمة اعدادية المنفلوطي

..

المهم

من رجعت للبيت قررت اني اشتري كمبيوتر.. وبزونة.. ....

البزونه بعدين احجيلكم ليش اشتريتها .واتعرف علي

البنات من خلاله احسن من الفرة بالشوارع

وشارد من الدوريات دووم

..

جبت الكمبيوتر وتعلمت شلون ادخل المنتديات والشاات واسولف

علي الماسنجر .. وصرت خبرة بأمور الشات والدردشة ..

كمت ادخل البيت اكول لأمي هاي.. لو اكولها بااك..

ومن اريد اطلع اكول لأمي برب.. من كثر ما تعلقت بالنت..

&&&&&&&&

&&&

فد يوم من الايام امي دخلت

عليه الغرفة وشافتني احجي بالماايك .. امي بجت. وكالت تسودن

ابني كام يحجي ويا التلفزيون

.

تعرفت علي بنت بالشاات وصارت بينه سوالف.. هيه ساكنة بغداد وانا بديالى

..

المهم

قررت اني اذا نزلت بغداد بشغلة اشوفها ..

صعدت للسطح.. انا وبزونتي الحبيبة..وألاعبها الزمها من ذيلها

واكعد افر بيها من فوك راسي.. ونوبات الزمها واظل اتفنن بيها اسويها مربعات ومثلثات..

..

واشمرها علي الحاايط.. وترتد عليه. وهكذا . وأحيانا اصعد فوك

القنفة أو الديلاب واخلي البزونة مسدوحة بالكاع وأطفر عليها ..

اقلد المصارع فلاي سنوكا..

&&&&&&&&

&&&&

وابووي يسمع الصياح ويدخل عليه ويبسطني.. ويكول الله يخلف عليك يا ولدي..

مشكلتي ويا ابووي دووم يبسطني لو يرزلني

..

اتذكر مرة فكرت انتحر.. رحت غطيت راسي بحووض السمج.. وابووي دخل عليه كلي شتسوي..

كلتله اريد اسمع السمج شنو يحجي .. خخخخخخخخ

( خو ما اكله انا راح انتحر )

وفجأء ة خابرتني صاحبتي اللي بالشاات وكالت انا باجر اريد اشووفك اذا تكدر تجي بغداد

المهم حجزت بالقطار..

ورحت للكراج

عاملت صاحب السوبرمان علي الكروة.. وصعدت الدولفين

( هيجي خباثة )

وصلت لبغداد الغرام ..ومن دربونه لدربونة.. ومن شارع لشارع وصلت لصاحبتي لحد ما وصلت..

واوكف براس الشارع.. الساعه خمسة العصر لحد الساعة ثنيتن بالليل علي فد وكفة

( عبالك تيل كهرباء)

&&&&&&&&&

&&&&&&&

طفرت للبيت لكيت صاحبتي منتظرتني بالغرفة

كعدنه خمس دقايق نسوولف.. وفجأءة سمعنه صووت يم باب الغرفة

وحست انه واحد من أخوانها يريد يطب غرفتها..

المهم...

ما لحكت اطفر..

وما أحس الا دفرة الباب ودخل عليه شاب فارع الطول عريض المنكبين كبير البطن

ضخم الفخذين حاد الملامح ذو سكسوكة كثيفة

..

(انا عبالي السطان سليمان طب عليه)

ومن دخل اخوها الغرفة.. اشو صاحبتي لزمتني من قميصي.. وصااحت

حرااااااااااااااااااامي..

ايا بنت الأييييييييه ..

واخوها يصيح علي اخوانه

وطلع عدهة خمسطعش عدد اخوانها..

والنوب كلهم يلعبون حديد..

اصغر واحد بيهم اذا شاتني جلاغ لو يهفني بوكس..

يمكن يردني من بغداد لديالى .. المهم

لزموني..وظلو بس واكفين يباوعون عليه .. يفكرون شلون يعذبوني بس..

لزموني جلاليغ وبوكسات .. والنوب صاحبتي تضربني وياهم .. ..

ويأخذوني .. لساحة قريبة يم بيتهم.. ويسوون فريقين .. ويمغطوني

ويخلوني طوبة.. ويلعبون نوب يشوتني واحد بالعارضة .. ونوب يخلوني ضربة جزاء.

..

ونوب يشوتني حارس المرمي من الهدف .. للثاني.. وبهاي الاثناء اتذكرت بزونتي. ومن جنت العب بيها

اول مرة اشووف لعبة كرة قدم خمس اشوااط..

ومن كضوو من اللعب.. اخذوني ويجتفوني

..

ويودوني للحمام .. كلولي انزع ملابسك .. يا طركاعتك

السودة يا مستر كرز

..

صراحة اني شكيت بنفسي.. شاب حلو وعيوني زرك وشعري

حرير ههههههههه (طبعا ما اجذب ابدا )..المهماصغر وا حد بيهم

..

رفضت اني انزع ملابسي.. وأجاني اصغر واحد بيهم شالني وشمرني بالغسالة

ويخلي فوكاي زاهي الوزير. وتايت

وشغلها عليه .. طك .طك .طك .طك

واخوكم مستر كرز.. بالغسالة يدوور ويطلع من حلكه فقاعات صابون..

والنوب يخلي الغسالة درجة خمسة.. ولهناك..

نشمره بالنشافة. .. واحد كللهم خلونه .

الصغير كال يا نشافة يا بطيخ.. شو تعال ولك ويلزمني

من ايدية والثاني من رجليه ويعصرون بيه ... ويشروني علي الحبل..

والبزازين تفتر فوك راسي عبالهم مسموطة.. همه دخلو يريدون

يجيبون الكواي .. تخيلو يريدون يكوني بالبخار.وانا خلصت روحي من الحبل وفلتت

&&&&&&&&&&

&&&&&&..

طفرت من بيت لبيت ومن دربونة لدربونه.

واخر شي دخلت بيت براس الشارع وشوف مرة سمينة مدككة.

كاعدة بالحديقة

حاطة رجل علي رجل ودخن شيشة. معسل تفاحتين..

**وانزع

قميصي واخليها بركبتها واكللها انا بشاربج.. دخيل الله ودخيلج.

وتسرفن . وكلتلي اسمط ابوه ابوه اللي يحجي وياك ..

شكد شايل بجيبك. كلتلها خمسين الف وتخمط خمسة وعشرين.

مني وتلزمني من ايدي . وتلبسني ثوب احمر وعباية وتنطيني علج.

وكلتلي يالله يا حلوة امشي هسة محد يعرفك..

والبس العباية واحط الحمرة واتمكيج.. وطبعا شردت

وانا بطريقي للكراج .. يمكن سطعش رقم تلفون حصلت

هذا غير السشيارات اللي توكف تكلي خليني او صلج .

وانا اطك بعلجي..

والنوب شباب يمشون ورااي ويتحارشون بية .

واشر لتاكسي ولنوب صاحب التاكسي راد يطلعني عالسريع..

واخر شي من نزعت العباية يالله فك ياخة مني..

..

وكبل عدل للكراج .. واتعامل ويا صاحب الدولفين علي الكروة ..

واحجز بسيارة سوبرمان..

وصعدت الكيا.. ( هيجي خباثة بكيفي)

وارجع للبيت ..

واكعد علي النت وادخل الشاات .. واشوف صاحبتي .. تكلي اني اسفة.علي اللي صار بيك ..

ولج يا اسفة يا بطيخ. عندج اخوان حتي سلاحف النينجا مو مثلهم..

امشي العن ابوج لابو اللي يواعدج. وملعون ابوي اذا اطب الشات هذا ثاني مرة. ..

ما جذبت ابد

هذا هو الموعد الغرامي.. ..