مو كلمن يهملك يعني ناسيك..
ولا كلمن يذكرك يعني يهواك؟؟
أكو وياك كاعد كلبه لبعيد..
وأكو من أبعيد كاعد كلبه وياك؟؟
شسولفلك حبيبي أسوى بيه الشوك
تدري شكد إلك هلروح مشتاكه¤
مثل رمش ورمش يتوسلن بالعين
يمته العين تغمض حتى نتلاكه¤
عيوني تعاركن بالغيره حد الموت
اذا تشوفك يمنى اليسرى متنحسه
ومعذور اليغار عليك تعرف ليش
جمال البيك حتى يغار من نفسه
ماشبهك بالورد هو يتشبه بيك
ام الورد جانت بيك تتنسى
سفينة الشمس ماترسي بشواطي الكون
بس خدود وجهك لشمس مرسى
من شفت شعرك شفت بيه الجمال
ردت اشوفك حتى اريح ضنوني
من درت وجهك علي وتبسميت
شكر من خدك طفر بعيوني
اعدك دوم اول من اعد اعزاز
وانت بيا مكان تحطني من تعد
يل انشد عليك شما كصيت وياي
جاهلبت عليا بجذب ماتنشد
تدري سبب ليش عليك ما انشد
لانك سلوت دليلي ورسمك بعيني
وبس يغمض جفنها الك اشتاك٠
وانت بكل صلافة تكلي ناسيني
رد مع اقتباس