هنا

[المثال الطيب]

السلام عليكم

طبعا البارحة رحت البغداد على اساس اغير جو على ما رجعت اليوم فعلا تغييير الجو عندي تعرفون ليششششش!!!!!!!!

دخلت الغرفتي لكيت مصيبة صايرة اول شي ماعرفته غرفتي حسبالي مال واحد من الجيران...بس طبعا من شفت لابتوبي عرفت انه اني مغلطان وبالغرفة الصح

عادي بدلت صليت وتعشيت كلت خلي افتح الابتوب تعرفون اشلكيت؟؟؟؟؟؟؟؟؟؟؟؟؟؟

لكيت الشاشة مال لابتوب باقي نص ومختفي نص مااعرف اذا داخل وحش وماكله ......بس بعدين طبعا عرفت منو اللي مسوية.....

قبل فترة اختفى موبايل مع خطوط اثنين وره فترة كاسرين جهاز الموبايل الثاني اللي اشتريته وكلت ميخالف بنت اخوي المدللــه عيب احجي عليه وهي طفله...


بس اليوم من شفت لابتوني الشاشة نص ونص لا سويته ام المعارك......

باجر اجيب النجار اخليه يسويلي 50 قفل واسلاك شائكة واحتمال مد رعة


بلا لو انتو شراح تسوووووووون؟؟؟؟؟؟؟؟؟؟؟

[هدوء الكون]

ههههه الله يعين انا لو هيج مسوين بغراضي اسوي اعصار توسانامي اذا الاسم مضبوط

[بنت الناصرية]

هههههههههههههههههه
اني العب لعب كولشي ولاواحد يلعب باغراضي
اي زين سوي قفل ههههههههههه

[هدوء الكون]

نسيت انقله لمقهى الدرر

[ريتاج الطائي]

سوي دبل وقفل وخلص شسوي قابلشكرا احمد

[ريتاج الطائي]

نسيت انقله لمقهى الدرر

نقلته كبداتي

[Claudius]

سوف يدخلون ويخربون ويدمرون..
سوف ينهبون كل شيء...
الهرررب.. نعم ، الهرررررب
اشرررد ولا تعد..

ولا تنسه اخذ غراضك وياك

حسبالي مال واحد من الجيران

؟؟؟؟؟؟؟؟؟
!!!!!!!!!!!!!!!!! شمعنى؟؟؟

[prince karbala]

شريد اسوي غير اكول حسبي الله ونعم الوكيل اكيد اغلس
هاي اصلا اذا واحد دخل ولعب بغراضي

[مودة القرآن]

يمه كلشي ولا لابتوبي غير تموت روحي ورا..بعيد الشر عنه.الله يساعدك على مااصابك خويه

[راما]

اني اسوي عرس بدون عزيمه لو الكه هيجي بلابتوبي صاير