احبك لوصرت جوه الضلع جمره
ما اگولن احبّك آنه ميّت بيك
لأن هذا الورد منّك اخذ عطره
لأن بيك الگلب متعلّگ و مجنون
لأن گلبي يدگ من اسمك يمرّه
لأن عشگي إلك مو عشگ ليله و يوم
الله الخلق حبك بيّه بالفطرة
بگليبي ولدت و كبرت و حلويت
بگليبي زرعتك من چنت بذره
سگيتك عاطفة و حب و دلال هواي
تانيتك تخظّر و اصبحت ثمرة
من طيفك يمرني الگلب شيصبره
ياخذني عله بيتك گلبي يا محبوب
و آنه ارگد و اغلّس و اخظع لأمره
أتاني الصبح يطلع و أبقى انتظره
هلبت نظره منك تجبر الم الجروح
هلبت تنجلي الآهات و ألحسره
تهيد برجفة الدلّال و أتخدره
يا حلو الملامح يا ترف يا زين
يابو خدود الگماري الدوم متنورة
يا أجمل قصيدة و يا شعر منظوم
و يا أجمل رواية عشگ بيهه اقره
يا تاج الحِسن و انت أجمل الحلوين
يا شمس الظهاري و بالمسا گمره
خلّي بدجلتك مشحوفي اله ذكره
دخلي سنين عمري تخضّر بملگاك
خل يفرح گليبي ألما فرح عمره
ما احچي و اوصّف طولك المهيوب
و لا اگولن خدودك چنهه تفاحات
بس اسألهه أمك هيه بيك أدره
جمالك ظيم خلّه الوادم بحسره
جمالك مو طبيعي .. و ما اگول أهواك
آنه اعشگ تراب جدامك ألسمره
آنه اعشگ الگاع ألشالتك يهواي
و اسكر بالدرب لجدامك تمرّه
آنه اعشگ جمالك ضحكتك ممشاك
و اعشگ بيتك و شباچك و عطره
رد مع اقتباس
