,,قصه حزينه جدا مع دارميات,,,,
اكو واحد حب بنيه وصارحهه وهي لاقبلت ولارفضت وبقه ينتضر سنين طويله وقرر يخطبهه فرفضته وقالت له مو انته اللي اتمناك وماتليق بيه ومتعجبني فأنصدم بيهه بعد سنين طويله من الانتظار...
واخذ يرتعش من رأسه الى قدمه ورد عليها قائلا..........
من صغر سنج حيف حبيتك انه
وتحملت آهات لجلج واهانه
ردت عليه...
عشت انته بلاوهام حسبالك اهواك
بيك انه ماهم دوم وتحاشه ملكاك
رد عليهه...
حسبالي توافين لمن تكبرين
ماادري تالي اصباج بيه تغدرين
ردت عليه...
جيلك قديم هواي مايفتهم شي
وهسه انه جيل البيه علموده يمشي
رد عليهه...
آيا حسافة اصباي ضيعته برجاج
حسبالي تكبرين وتراهم وياج
ردت عليه...
ضل عايش بأوهام ماترهم وياي
طفله انه وانته صغير عمك لهل راي
وبعد مده من الزمن رآها وهي في بدلة الزفاف فأقبل اليها يهنأها فقال لها....
مبارك والف عالخير هالليله عرسج
ياريته هذا الجيل يكدر يونسج
فقالت له...
مرتاحه انه وياه وهنيالي كلشي
من رخصتك يفلان خلينه نمشي
رد عليهه...
مبارك والله وياج بس ذكريني
للموت ابد منساج لوتعمه عيني
وبعد مده من الزمن رآها وهي وحدها فأقبل نحوها فرأته وقالت...
منهو انت شنهو تريد مجبل عليه
ياعمي انت غريب وانه اجنبيه
فقال لها...
وسفه والف ياحيف ضيعتي عرفج
وج انه ذاك فلان شيبني حبج
ردت عليه...
عافاني البذات من كثر ماله
اتفاركنه من سنين كلمن بحاله
رد مع اقتباس
المشاركة الأصلية كتبت بواسطة prince karbala
