ما أشوف شكد علي مروا ألوف
كلها مو بالبال ونته أبالي
انه بس أشما ردت عنك ألوف
أشما افر راسي تصير أكبالي
غيري ما شافك وغيرك ما أشوف
أنت كل الكون تتراوالي
كبل لا شوفك جنت أعمة وحزين
وفتحت من سيرن منك اطيوف
ولون شفتك انكلب كل جسمي عين
وصرخت بلجن بعد عين أرد أشوف
انه لو جيتك أجيلك جاري ماي
وشيكضه الماي كلي لو جره
وعنك انه أشما رحت تلكاني جاي
من كثر ما حبك ارجع ليوره
امسودن ايكولون أولي ايطبني طوب
المهم أتحبك اسواديني
أحركني قابلك شرط بس كون أذوب
حتى أنت أتلمني وتبديني
انه لو حبيتك حب من غير رأي
ومن اباوع كون اخلص عيني
وكون هاي ألخاطرك تكسر لي هاي
وكون لجلك عركه بيني وبيني
انه مدري اشلون ضلت بيه روح
من خذنك بالحلم ذرعاني
أحجي بيك ألساني ما سمعني صوت
ضل عليك إيغار مني ألساني
رد مع اقتباس
المشاركة الأصلية كتبت بواسطة نور العراقيه
