كربلاء ماشايف مثل طولج بعد ماشوف__وأقنع عيني بيش وتقنع وترضه
وأنتي أخيالج أيغازلج من تمشين__وبعضه ايلوم بعضه وياكل أبعضه
كبلج ماجنت شاعرغزل معروف__ولامو..مادرو بيه الغرام أمضه
وشعري البيه رفض ويرددونه الناس _من خزرة أعيونج يستمد رفضه
يلكلج براءونور يعكس نور وأتشوفج اعيون الناس المغمضه
الشارع بيه صداع يصيرمن تمشين_وطوله يكوم يفتر يردم أبعرضه
والمستشفى اذا من بابهه أتمرين_عراضه الشوفتج تتضاهرالمرضه
(أبوالطيب) يغض النظر جان ايكول_بس لوشاف طولج فنه اذاغضه
خط أحمرجمالج رسم فوك الكاع_وحظر تجوال خصرج وحده أيفرضه
الفتنه الطائفيه أعيونج الحلوات_عليهه أحنه أختلفنه وبعد مانرضه
والأمن مايستقر وتفرضه شرطه وجيش بس بسلاح عينج نكدر أنفرضه
والفوضى البلبلد مو من سياسين_الفوضى البلبلد من شعرج الفوضه
كاغد ماي خدج والهوه أيهز بي_ومن كد رقته بلهوه مايرضه
حظه بيج النده أبخدج طبع نيشان_جا.. شسوي بيج أشفافي من تحضه
وعصر(النهضه) داخو بي ماشافوج_وانتي الشايله أبصدرج الف نهضه
يلبعينج سحرليل الله طش الشوك_وانجومه اعله خدج صاغهن فضه
الحظ من يشوفج صدفه بين الناس_يلزم حظه بيده أيطيح أبحضه
الشمس حته الشمس من تسد باب الليل_تنزل على شعرج حته تتوضه
وغلط(أحمدمطر) ميخلده التاريخ_لئن عن لون خدج ماكتب ومضه
قرضه أمن الشمع بلظلمه نطلب نور_وأنتي النور منج يطلب القرضه
ولئن تعكس بياضج والبراء البيج_وحدهه المرايه أتكوم تتشضه
(بالزي) من أشوفج انه أصيرن عين_وافض كلشي أمنديه وخلكي مافضه
مثل الظل وراج أعيوني مصلوبات_ودرب الجامعه سويت بي رضه
وزيرالتربيه لازم يحط اشروط_ النظام الجامعه وعلمجلس أيعرضه
ويصدر قراروكلهه تعمل بي_وتنصاع العماده وتعمل ابوعضه
طولج من يمريم الأستعلامات_عميد الجامعه يوكف صنم لحضه
وباب الجامعه من يمه من تمشين_مدير القسم لأزم يركض أيكضه
مولجل العلم بالجامعه الطلاب_على مودج تره الطلاب مكتضه
والمحاظر بلدرس مايحفظ الموضوع_لئن ملتهي أبثغرج رايد ايحفظه
_كراج الجامعه صنطه ويبجي العين_بس لمن تجينه أتصير بي ركضه
وبلروضه خبر طش راح تتعينين_وعلى مودج زلم سجلت بلروضه..؟
رد مع اقتباس
المشاركة الأصلية كتبت بواسطة prince karbala
