هنا

[نسمة الدرر]

هذه المرة أحببت أن أجرب حظي في الشعر الشعبي

فكتتبت هذه الأبيات المبعثرة تأثرا بقصة حدثت لصديقة مقربة مني

واعذروا ضعف قلمي وتقصيره













بيا عين اجيت اتكلي ندمان

حطي ايدج بديّه وانسي الراح

بعد ماهدمت آمالي وياك

وقطفت زهور عمري وبدلتها جراح

لكَيتك غصن يابس ..لاعطر..لالون

سكيتك نبع حبي وصرت فواح

تمنيتك تداويني بحنان وشوكَ

ومن طيبتك أشتم عنبر وقداح








حسبتك شمعة تضوي بعتمة الأحزان

وتمحي سنين عمري العشت بيها بآه

حسبتك مطر خير وتروي هاي الروح

ويخضر زرع كَلبي وتنبت الأفراح

حسبت ..وحسبت ..وخااااااب ظني وياك

وطلعت حسبتي عمية وبدون جناح

طارت بيه بخيال الوهم والزيف

ونست مكسورة جنح ماضمده جراح












استرخصت شهدي ورحت تطلب عسل مغشوش

غرتك لمعته من اتمويع وساح ؟؟!!

ضكت مره واجيت تريد أغذيك

بعد ماشفته حنظل مطلي باملاح

عرفت الفرق بيني وبين شرواك

أصله عدم وأصلي للنجم لاح

علم انه باخلاقي وصيتي معروف

سمعتي تاج راسي وهي السلاح




غشيمة انه حسبته مرهمي ودواي

حبيبي طلع قاتل ..مجرم..وذباح

طعن نبضي وذبح حلمي الجمعني وياه

وصفيت انه بجسد معتل بدون أرواح



شسولف من عذابك..بعد ماظل فكر

من غدر وخيانة صوبتلي رماح

بنات أفكاري كلهن صارن أيتام

ثكلت امهن وسمّوهن بنات أشباح

جاي بكل صلافة اتقدم أعذار

متهمني دموعك ..دمع تمساح

تترجاني أسامح وأنسى لا..هيهات

ماظلت محنة بكلبي الك..ماكو سماح

ارحل وبتعد عني يماضي احساس

بلكي الذاكرة تذبل والقلب يرتاح


بلكي الذاكرة تذبل والقلب يرتاح

[mary]

حلو

[ياسين الجبوري]

للابداع عنوان
وهو
نسمة الدرر
حروف جدا جميلة
لا حرمت هذا النبض

[هدوء الكون]

غشيمة انه حسبته مرهمي ودواي

حبيبي طلع قاتل ..مجرم..وذباح

طعن نبضي وذبح حلمي الجمعني وياه

وصفيت انه بجسد معتل بدون أرواح


مبدعة عشت الاحساس والكلمات راائعة كروعة نسائمك

[لانا احمد]

[نسمة الدرر]

حلو

مرورج الاحلى حبيبتي

شكرا جزيلا

[queen εïз]

حلووو

[نسمة الدرر]

للابداع عنوان
وهو
نسمة الدرر
حروف جدا جميلة
لا حرمت هذا النبض

شكرا جزيلا لكلماتك الراقية كرقي روحك وحرفك

مرورك زادني تألقا ياسين

شكراا جزيلا

[نسمة الدرر]

غشيمة انه حسبته مرهمي ودواي

حبيبي طلع قاتل ..مجرم..وذباح

طعن نبضي وذبح حلمي الجمعني وياه

وصفيت انه بجسد معتل بدون أرواح


مبدعة عشت الاحساس والكلمات راائعة كروعة نسائمك

هدوء الكون

سررت بأنها نالت استحسانك
وعطرت الابيات برونق مرورك الربيعي

شكرا جزيلا لك

[الاميرة لجين$$$]

جميل احسنتي