المشاركة الأصلية كتبت بواسطة آية آدم
بس اول شي ، صراحة مثل هاي المواضيع و الافكار و الحجي و النظرة هاي
تحسس الولد انو اذا يشوف بنية حلوة او ملفتة فهو لازم يتحاوش بيها او مو مشكلة لان هي المخطئة هي الي دتخليه يباوع عليها و هو المسكين ماله اي ذنب !!
لان الكل حيدافع عنه و يذب اللوم عليها ، لتستغربين بس هاي حقيقة ، هاي الفكرة الي دتوصل لعقل الشاب من كثر عظمة هاي الافكار
اني عن نفسي احسها تشجع الولد ع الاستمرار بكل دم بارد لان المسؤولية رح توكع ع هاي البنية السيئة الي اغوت الشي المسكين ، يا حرام !
يااختي اي بنية بالعالم تحب الجمال و كلنا البنات نريد نكون باحلى شكل مو علمود لفت انتباه الولد و مااعرف شنو
بس هي رغبة موجودة بداخل كل بنية و مو سببها لفت الولد ، ليش هم منمة الولد اصلاً حتى تفكر بيهم
كلمن يحجي حسب تفكيره ، مو؟
المكياج ابد م مربوط بالرجال و جذب الرجال
المكياج مربوط بالجمال ، المكياج مربوط بالانوثة
بلة منتفلسف و نكول الانوثة هي الاخلاق و جمال الروح
احنا الناس العادية الواقعيين الي تفكيرنا متوسط نربط المكياج بالانوثة
وبعدين ليش هيج المكياج مشكلة من مشاكل العصر ، و مسويها مصيبة و كارثة ، ماكو داعي كل هالتدخل دائماً بأبسط الاشياء دائماً للبنية ، مكياجها لبسها و حتى صبغ شعرها و اطافرها و الاحلى حتى الحف و التنمس متدخلين بي العلماء و الشيوخ و الناس و الامة العربية و حرام و الله يغضب عليها ليوم الدين و مااعرف شنو !!
الكل معارض عليها و الكل يحب يشوف البنية الممكيجة
وبعدين ليش تكولين ( من نشوف بنية تضحك وي اصحاب المحلات اول سؤال يخطر ببالنا هو اين ابوها و اخوها ؟) !؟
ليش تحسسيني انها كلب ( اكرمكم الله
) تائه صاحبه ناسيه بمكان عام ، بمكان ميسمح بدخول الكلاب ؟
مع احترامي بس هي مو حيوان بحاجة الى تربية و ترويض دائماً و اذا عفناها تسوي كوارث و مصايب ،
بس لو تستوعبون هاي الفكرة حنعيش بخير
عوفوها بحالها ، كافي تدخل ، الي يريد يصلح خل يصلح نفسه و كافي ، مو الجاي و الرايح يحجي ع البنية و صاير رجل دين بيها
و بعدين الموضوع اصغر من انو نحجي بيه ، كال مكياج كال !
الشي الي ينحط ع الوجه ،
مع احترامي صديقتي يمكن حجيت بصراحة بس اكيد م كلت كلشي و م كان قصدي اساءة الج ،
ف لتاخذين كلا مي ع مستوى شخصي ، لان انتي مجرد انسانة برمجوها ع افكارهم الخاطئة لحد مااتشبع عقلج بيها و ماالومج هذا حال كل بنية عربية
رد مع اقتباس
