شنطيت العراق وهو شنطاك.؟؟
منو البيكم للاخر واكَف اهواي
تدافع عن وطن مابيه الك بيت
وجبتهه متاني..يمته يفرج وكتك الجاي
يالبوكت الحروب بخندق تنام
وبوكت السلام اتدور افياي
بالمقهى اخير احروبك تصير
ما ماخذ مكانك بالحرب هاي
جبت عمرك قذايف يمك تطيح
هسه ادكَـ بذانك طكَة الصاي!!
غصب قاتلت..طوعاً..عندك اسباب؟؟
المهم ماقاتلتني اواكَف وياي
تسولف ويه يوميتك عالاحلام
وليليه ترد ماطالع براي
يبو حلم الرخيص الينبني بلوك
واطفالك قنوعه وتشبع من الماي
ثمن للبيت ماكو وتمتلك بيت؟!!
جاليش.الشضاياي العندك اهوااي!!؟
للشاعر ايهاب المالكي
رد مع اقتباس
