ناديت من الغرب محد سمع صوتي
لابوي لا صحبتي لا امي لا اخوتي
بالغربة احس مختنك وارد ابجي واصرخ حيل
ومرات احس انتهت روحي وقرب موتي
اني وجنطتي ارحلت والدمعة بعيوني
لا اخو مني جزع لا اهلي ملوني
عفت الدلال ورحت للغربه نص الليل
ودكيت باب الغرب والما يعرفوني
الما يعرفك ما يثمنك
والما مجربك ما يأمنك
درت الشوارع مشي والحيرة بقدامي
وظنتي بهذا المشي تتحقق احلامي
ثاري الشوارع ما هي النه
ووجوه ما هي وجوه اهلنه
اشجابني للغرب ليش اتركت بيتي
يا قيميتي عد هلي يا سمعتي وصيتي
اني الجنت للظهر متهني ابنومي
واحتار وكت العصر شلبس امن اهدومي
راسلت مرة هلي وردت انطي عنواني
وبالغربه ابن من انا ويابيت يرضاني
يا روحي من هم هلي وشكد رقم بيتي
ومن اجي تعبان انا يا هو ابتلكاني
صح البشر بالغرب تحجي ويفهمونك
تكعد تروح وتجي بس ما يقيمونك
انت مجرد شخص متغرب ورحال
عفت اهلك وديرتك وتخضعت للمال
لحظه بعدما اظل بين الغرب شلي
واسلم على ما بقى من قيمتي احسنلي
خزن بعيني الدمع يم الغرب مبجيت
وارد ابجي مثل الطفل يم باب بيت اهلي
تحياتي لكم
من قصائد
الشاعر
عادل محسن
رد مع اقتباس
