اناااااا البصره
t]( انااااااااا البصرة )
انة امن النفط حصلت بس دخان
فلوسي بجيب غيري وجيبي ظل خالي
انة ام اليتامى الصبرت اعلى الضيم
وأمراض اﻻشعاع تموت اطفالي
انة محمله بذهب بس آكل العاكول]
انة مهرة اصيلة ومات خيالي
انة حصتي الملح ونزف جرح كل يوم
ماصخ صار زادي بحلك جتالي
من نفطي طلبت بس خمس دوﻻرات
صرت عدكم رخيصة والطلب غالي
عاصمة اقتصاد وماقبلتوا اتصير
خافن يرتفع مصروف عمالي
لحم اجتافكم من خيري اذا تدرون
وﻻ بيكم شريف اتفقد احوالي
شعتب ياحكومة اتربت اعلى البوك
ومجلس برلمان من الشرف خالي
انة راح انتفض كافي اسكتت عالضيم
وخلي الكل يجيني ويوكف اكبالي
اسلالي ابين اديك محملة البترول
من الدوﻻر ترجع فارغة اسلالي
راح أصبح إقليم وماكو غيرة احلول
وعلى اقليمج يبصرة صار معوالي
اقليم البصرة جاي وخيرة الي ايصير
بس اقليمي هوة ايحقق امالي
انة امن اطلع عراضة اشك وجه الكاع
وانتة اتعرف شنهي ايكول مهوالي
( أمن الكرنة اكطعهة وطز بيهة )]
رد مع اقتباس
