اجة العباس صوب الماي عطشان _______وصل نهر الفرات ومعتني عناية
ورغم حر العطش وبرودة الماي ________رماه وما شرب وتعذر بهاية
وصدك حار الفكر واختلت عقول _______لجن القصد انعرف وانعرفت الغاية
لان نهر الفرات بعين عباس _________عكس صورة حسين الما شرب ماية
اذا ردنة الاخوة بهيئة انسان_________واذا ردنة الوفاء نجمعة بحجاية
ترة العباس خوة وتمشي عالكاع_______اشترة بدمة الوفاء لخوتة شراية
الكريم ايجود بالماجود معلوم________وتقدم كلشي عدهة الاجت وفاية
وصدك عباس طاحن منة جفين_______فداءا للحسين ودينة والاية
لجن لو عدة من الجفوف الفين ________يقدمهة ويكول مقصر هواية
جذب سيف الشمر ما ذبح الحسين_______ولا ذيج الرماح وياه كصاية
ولا صابة الحجر والنزف ماذيه__________ولا طاح اعلة وجهة بغير تجاية
وكع الحسين لمن طاح عباس_________وعرف نفسة انذبح من طاحت الراية
يعباس اعتذر منك وانة وياك__________بكثر ماي الخجل كصتي منداية
لان عندي قصيدة وشخصك كتاب ________واهن جم بيت واسمك سيدي ولاية
انة بعيني شفتهة نجوم تبجيك_________وسمعت الشمس تنعى بطور ملاية
ورغم ندريك ما محتاج الصدور_________ولا دك ولطم ودموع وقراية
لطم ليك الوكت بجفوف الايام__________على صدور العقيدة بروح شجاية
وفراتك كلةانكلب عين ودهر يبجيك _______وتظل حد القيامة عليك بجاية
رد مع اقتباس
