السلام عليكم اعضاء درر العراق
طبعا الجميع متابع مواضيع سوزان ونبراس الولاية بخصوص الاطعمة والحلويات اللي ينزلوها وكلها وصفات منظرها خرافي بس من تجي للواقع تريد تطبقها ما تضبط وياكم فلهذا وجدت انه من الضروري اكتب هاي الوصفة الناجحة والمجربة على مر العصور بقلمي وهي بسيطة وما تحتاج تعب هواي ونبدء بالشرح
لصنع اي نوع من الحلويات وبدون فرن نعم بدون فرن لا تستغربون اشرح لكم وان شاء الله تستفادون
المقادير
((لصنع كمية تكفي 3 اشخاص او 4) و أشخاص اقصد متوسطي الاكل بلابل مو تماسيح
مثل الجماعة
يعني مو مثل ألأخ
تحتاجون الى :
1- مبلغ يتراوح ما بين 5 الاف الى 7 الاف
2- محل حلويات مرتب وشغلة نظيف
3- ((واحد بي حيل يروح للمحل وهو صايم ويشم الروائح ويصبر ويتحمل ))وهذا اهم مكون في الوصفة
4-ميزان صغير وهذا نحتاجه لاحقا ومهم ايضا
طريقة العمل
1- تضع المبلغ المالي في جيب الشخص وتوصي ما يضيعة
2- تدلي على المحل يروح يشتري ويرجع
4-وهسة نستخدم الميزان من المهم ان توزن الكنافة من يجيبها خاف ما تحمل واكل منها بالطريق لان كلنا نعرف عند البطون تعمى العيون وماكو ثقة
انتظر للفطور والف عافية
وبلا منية سوزان ولا نبراس الولاية
اذا عجبكم الموضوع ارجو تثبيته حتى الكل يستفاد
رد مع اقتباس
