القصيده للشاعر صلاح منسي ..
.................................................
دير بالك على نفسك
دير بالك على طولك
دير بالك عالمدينه..؟
الفقر باجر يجينه .. الفقر باجر يجينه
شايل ابجفه ارمال
شايل ابجفه يتامى .......
شايل ابجفه نعش .. اجمل حمامه
الفقر من يجي .. يعني القحط جاي ..
يعني ماكو بدجله ماي
الفقر باجر يجي .. ايزور الشوارع
سدوا ابواب الكنائس .. والجوامع
واخفوا هاي اطفالكم .. وسط الصدور ..
الفقر من يجي .. يغتال الزهور
ويكدر يغير ملامح .. هالحياة
وحتى يتلاعب بأوقات الممات
***
واكو جاهل بس فقير
بالرسم ايده خفيفه
راد يرسم مره ورده .. اكلبت الورده قذيفه
وليش تبعدها من السياب مات
شيعوه خمسه اصدقائه
والمطر سادسهم بلهفه يطير
هو جي بي مرض مات
لا ...
بس لان كلش فقير
بس لان كلش فقير
رد مع اقتباس