يالطول عودك كصب من نسمة وحدة يميل
انطاك ربك شمس وانطاك ربك ليل
الشمس فوك الوجه والليل فوك الليل
سبحان من صورك دومك ترف سبحان
تغسل بماي الورد والعسل والريحان
وتعصر خمر وجنتك وتخلط عليه ريحان
وتصير لذة شرب وتسودن السكران
ولك سوي فضل واغلط علي فوت
وهم قلبك تلوع هم علي فت
صدك مرسوم ومفصل عليه فيت
شكثر قاسوك بس ترهم عليه
يلبيك شامة وجه مو مثل كل شامة
سمتك امك اسم معناه شمامة
المفروض هسه الك عشرين خدامة
اتلاثة يحلبن عسل من قطرة الشفتين
واتلاثة عليهن فقط يمشطن رمش العين
وعشرة بخدمتك حرس يمرغن الجفين
والباقي بس اربعة شيكفن الباقين
الك سولة وطبع مو خوش سولة
تساوي الشي وانت الزين
طلب من قلبي اني ارجوك سولة
علئ قلبك تحطه وهاي هية
رد مع اقتباس
المشاركة الأصلية كتبت بواسطة طائر الوادى
