هنا

[بهلول الرشيد]

تجليبه سياسيه !!!
اجلبنك يليلي اثنعش تجليبه
وكل يوم اليمر انه بمصيبه
***********************
كل يوم اليمر وي الوضع متأقلم
والحظ والبخت ابيعنهم بدرهم
شديت الحزام وللدعايه متحزم
وبصوتي اشتري سياره عجيبه

اجلبنك يليلي اثنعش تجليبه
وكل يوم اليمر انه بمصيبه

كالولي بصفحتك تكتب المحضور
شنو اللي جنيته وتهدم الدستور
وليش اتكشف بالحجي المستور
ماضيك نعرفه وكلش زين ندريبه

اجلبنك يليلي اثنعش تجليبه
وكل يوم اليمر انه بمصيبه

وكفني الحجي وكلت انه اشعدكم
ياولد المدس نعله على خيركم
اتهموني ارهابي وانه ابن عمكم
ومن ظيم البعث ظهري حديبه

اجلبنك يليلي اثنعش تجليبه
وكل يوم اليمر انه بمصيبه

اريد احجي ولازم تفهموني
انه العراقي وانتوا بعتوني
ومن لحمي اكلتوا وماشبعتوني
وسياسيكم للنهب استاد ندريبه

اجلبنك يليلي اثنعش تجليبه
وكل يوم اليمر انه بمصيبه

هذا مو حجي ياعمي طفيره
شباب وحللت ان تشرب البيره
فتوى صادره من جامع اسميره
وبالخضره اتطوطح زلم محسوبه

محسوبه زلم وتتعارك على المال
سكاره دايخه والشعب حمال
من يحجي الافندي توزنه بالمثقال
بس للفعل مايسوه جواريبه

اجلبنك يليلي اثنعش تجليبه
وكل يوم اليمر انه بمصيبه

اصحه يابرلماني وشوف وين انعيش
احنه اغنى بلد ونجدي منكم عيش
قسمه بايخه تخلونه بالتهميش
وبصنع القرار اصبحت جليبه

اجلبنك يليلي اثنعش تجليبه
وكل يوم اليمر انه بمصيبه

[حيدر الطائي]

كلمات رائعة جدا
كلمات تحكى واقع حال
شكرا لك عزيزي
بهلول الرشيد
كل الود

[الساندرلا]

راااااائع

[غسان العراقي]

صح لسانك عمي بهلول ونتمنى ينتبه الانسان العربي من غفلته لان سياسة النهب البرلماني لثروات الشعوب استشرت في البلدان العربية وليس في العراق ففط بعد أن سرق الربيع العربي من الشعوب العربية بنشر ثقافة الولاء للطائفة والحزب الذي يمثلها وقتل الولاء للوطن داخل الانسان العربي

[prince karbala]

رووووعه

[بهلول الرشيد]

شكرا لكم ولمروركم الطيب دمتم بود