يابير النفط كل غيره ما بيك
ولو بالعيد فد برميل تتذكر
تخاف فلان يزعل لومعالي فلان
جا يم اليتامه والوطن يخسر.
فك عينك عدل واستوضح شيحجون ..
الفقير بهالوكت ما ينسمع رايه
مو كلمن قرالك آيــه تأمن بيه ..
لأن فوك الذبيحه وتنقري الآيه !!
باين بيك كلش انت ولهـــان
وعلى عيونك شفت كلمة احبك
واحس كلبك يدك بهـــدوة الليل
يمكن للصبح مـــاتلكه كلبك
ليش تغيرت ويـاي يفلان
ادك ايميلك وعني تسده
اذا بابك ترده بوجه اليحبوك
اليدك بابي يصاحب ما ارده
اقشمر روحي عندي اهدوم للعيد
بس اغسلهن ويتخيط الشك
بس المشكلة معروفة للناس
لو رب الكوي امبينات عتك
طبع عند البشر لو جان ذواق
يعلق عالقصيده الترهم وياه
وانه يوميه انطي الوجهك إعجاب
صرت كل ما اشوفك اصرخ الله
ماجيت اشتكي كالولي راح اتروح
جيت انهي البدايه وأختم القصه
فرصه من العمر جانت محبتي وياك
وصدك ماترد لو راحت الفرصه
رد مع اقتباس
