صار اسنين اتاني وجنت أضن يعود
ركض بينه العمر وأيامنه اتعدي
واباوع عالشعر صار ابيض اللون
وآنه صافن واتاني ودمعتي بخدي
كَ لي اشوكت ترجع مو خذآني الشيب
مو خلص عمرنه وباقي انه الوحدي
مليت البعد والوحده تكتل حيل
والفركَه الم والصبر ماعندي
يو اسيني الدمع ينزل على الخدين
حته الدمعه كبرت صارت بكَدي
وآنه متاني وأتاني اشوكت راح يعود
والحسبات بيه اجيب وتودي
خلصت العمر مابين دمع ونوح
وجروح المفارك باقيه اتندي
وأشل جرحي واكابر وامسح الدمعات
واشد حيلي واكَولن ماطحت بعدي
بس اشما اكابر واكتم الآهات
هو الليل يوصل والحزن يبدي
رد مع اقتباس
المشاركة الأصلية كتبت بواسطة وليد البصري
