اريد اكتب شعر ما أعرف ابدي منين
على العايف حبيبه وناكر العشره
تكلي الناس وينه الي تحدانه بهواك ؟؟
وينه الي يحبك مانشوفه وياك ؟؟
ما اعرف شجاوبهم شكول ..
شلون اكلهم شفته يتمشه ويه غيري
شلون اكلهم عافني وعيوني تبجي
شلون اكلهم بالجذب ماسأل عني
هاي الناس تشمت والشماته هواي
وضحكتهم تصير بكلبي سجين
اني لازم اتقوى واجاوبهم واكول
حتى ارفع راسي كدام العذول
راح اضطر اجذب واني الذلول
خذاه الموت مني واخذ روحي وياه
خذاه الموت مني ومارحمني
اخ يا كلبي الحنون... شلون وياك كلي شلون
شسويلك واطيبلك هذا المصاب
شسويلك وابردلك ملح الجروح
راح اضمدك ثم اقفلك ثم ارميه القفل
راح اضمدك ثم تتناسى الحصل
لازم تضحك حته لو ضحكة جذب
عندي ايمان بقدرتك
قوي وتتعافه وتطيب
عندي ايمان بقدرتك
يا احن واطيب كلب
2014/2/18 الاحد
رد مع اقتباس
هههههههه 
