عمر طرواك بيه يدور
وانه اتمعن الملگاك
وين الگاك ..
شع گلبي اعله دربك نور
يمن بسمك يطگ ريحان
بگيت اعله الدرب ناطور
تعال شبيك
بعدك ذابل ونحلان،،غصن عطشان
هالبت لو تمر ناعور
وازگيني برهاتك واعلكيفك دور
يا اعذب فكر بالراس
مر بيه بنفسج وانه انطرك ياس
مر بيه ورق وعتاب
قلم مكسور خاطر رايدك سياب
وتعال وشوف
جرح دلالي الاخضر عالحبل مشرور
وتعال وشوف
نهر دمعي عليك بكل وكت محدور
وامسي بحال يشكي الحال
وليلي يمرني چن عاشور
يسباح الگلب مشتاگ
هلبت يوم اشوفك جاي ،،الله لو اشوفك جاي اشهگ شهگة الغرگان
لمن يطگ وجهه الماي
والملم كل نفس مضموم
واصفن واجر حسرة ناي
وارسملك خيالي طيور
واحوم عليك ليل نهار
زاجل سبگاته شراع
وادور اعليك ،،
وافتر بالسلف مجبور
بخيالي وهم ادور اعليك
رگد حيلي بالمتانات
فقير وادعي بلكي الگاك
وابچي بدمعة المقهور
ارجع لا اشور بيك
ترى اعله الفطره حبي وياك
مو حب غادر ومغدور
فطير وشوف احلفك بيش
حن وارجع لمشي اعليك عود بخور
رد مع اقتباس
المشاركة الأصلية كتبت بواسطة حيدر الغديري
