هنا

[عادل الابراهيمي]

بسم الله الرحمن الرحيم

السلام على صاحب السكينة
السلام على المدفون بالمدينة
السلام على المنصور المؤيد
السلام على ابي القاسم محمد بن عبد الله
ورحمته وبركاته ومغفرته ورضوانه

السلام عليكم و رحمة الله و بركاته
اليوم حزورتنه شوية يرادلهه صفنه وورقة وقلم لانه شوية او ليش شويه كلهه حساب ودوخة راس المهم الحزورة تگول:


عدنة 100 كيلو غرام من التمر الخستاوي او اي شي انتو تحبو زلابية بقلاوة اي شي.. ونريد نوزعهن على 100 شخص "مو كيفتو " !!!بس الاشخاص على 3 انواع :
رجال ونساء وأطفال بشرط ((وهنا اللغوة))
1. يأخذ الرجل الواحد 3 كغم.
2. تأخذ المرأة الواحدة 2 كغم.
3. ياخذ الطفل الواحد 1/2 "نصف" كغم.
وقتا ممتعا في التفكيروالحل !!!


ملاحظة مهمة جداً جداً:

رجاءً رجاءً رجاااااءً(هاي تعني بصوت عالي شوية)
لحد يدردم عليه....

[qas!m]

بالنسبة الي ما ادردم لان احب هاي السوالف
فيا استاذ عادل دزلنه على:-
78 طفل على نص كغم راح تكون حصتهم 39 كغم
17 رجل على 3 كغم راح تكون حصتهم 51 كغم
5 نساء على 2 كغم راح تكون حصتهن 10 كغم
وعليه
عدد الاشخاص= 78 + 17+ 5 =100 شخص
عدد الحصص= 39 + 51 +10 = 100 كغم
وتعيشون وتسلمون
ولو ما بقت ولا قطعة بقلاوة الي بس ما يخالف
ننتظر الجايات

[qas!m]

على فكرة استاذ عادل اكو لغز عنوانه (( عاجل عاجل عاجل))
هذا صدك ينرالده صفنة مو طبيعية بلكي تمر عليه وتشوفه

[مواطن عراقي]

طبعا اني دا اكتب الجواب وسبقني نيو .... بس هم ميخالف
هو خوش ولد ويستاهل