شعر عراقي ريفي
امن يطم الروح كلش وكيحه ... ذلوهة وسفه وعيب صارت ذبيحه
الهضم موش اليوم بلكتب مختوم ... ومسجل بذرعان شمتت بلنجوم
طك صبري ما مليت بكلاس انا افتر ... وبحلك اليسب الزين شربت تفتر
جربت اخوي وصاح مكدر اعينك ... جا كلي هل عدوان شتكول اصينك
الشاعر من ايلوذ بشعر ينخه ... يتماطل الجلمات كلبه ويملخه
يمراوغ من اتكول انا ارد افيدك ... والغدر صب نيشان هذا انا بيدك
ماتت تراهة الناس بس كَلب ينبض ... والخوه صارت طين بس حجي اترعبض
فلش بعد هلعين والكَلب وياك ... شنهو اليضل يزين يركَض تلكاك
اشتم نسيم الهاب محلاته طاري ... عذيبي ويرد الروح مابيعه شاري
جرح الكبر بحشاي ماضنتي يطيب ... جربه وتبدت ماي شيلمهة بجريب
الشيبه وسط الراس يشامت احجي ... هذا البخت براس يسمع ويبجي
ماضحك سني بيوم خلصت بلهموم ... وهذا انا هسه وياك ياخويه مهضوم
مذموم ارد عليك اسكت وكشفك ... لناس اعصرك ثوبك بيدي ارد انشفك
اوهة امداهة الروح خاوت حيايه ... تلدغ اكبال الناس كشفت الغايه
رد مع اقتباس
المشاركة الأصلية كتبت بواسطة prince karbala
