ابوذيات ارجو ان تنال اعجابكم
شامت من لفه لعضاي لفهه
وشم ريحـة الود الـــيك لفهه
يشل روحي بحنيه ويضل لفهه
تلفه بنار شوكه الغمر بيه
========
تسالني شعجب يا روح زينه
مو زينه وكلهــــن اهي زينه
حجيك بالموده صاــــــر زينه
ولك يا زيينه التمرني وشال بيه
==============
يمر حجي العراضه البيك يلداغ
ومثل سم العكارب يخي يلداغ
افوتا رغــــــــم زور البيك يلداغ
حجيت والعواذل سم عليه
================
شمرني الوكت بهمومه ولاسال
ولاصاحب حجه بيه ولاسال
ذبحني بهمه وهمومه ولا سال
تركني بظيمي يتفرج عليه
==========
اشك هدم العلي من ظيم جفات
مسودن بالحجــــي ويريد جفات
خلص دمع عينــي عليك جفات
وبقه عيني وصبيه سود بيه
======
يرن خلخالك بذاني ولاهم
وظيم لاحني منكم ولاهم
لااني بتعد عنكـــم ولاهم
حبل مربوط سرك عن عليه
------------
يضل دمعي يصب عليج فطماه
عليله وبسهام الموت فطماه
مثل فاطم ابد منخلق فطماه
بعرش الله وسمكم لاح اليه
==========
رد مع اقتباس
