مجموعة ومضات +وصور شعرية انشاء الله اتعجبكم
أني بشده ردتك توكف وياي
لكيتك رمح بيد الحاربوني
جنت حزام ظهري و هسة لا وين
ما ترهم احزام البنطروني
♥♥♥♥♥♥♥♥♥♥♥♥♥♥
طفل في الابتدائيه يقول لاحد مسؤولي الحكومه..
اذا جبرونه لازم نكتب الانشاء
ولازم من كلبنه نطلع الموضوع
نكتب خبز يابس+الماي
يسد حلك اليتامه بساعه الجوع،
♥♥♥♥♥♥♥♥♥♥♥♥♥♥
أنته لعيونك طلع هذا الجمال
انته ضيعت الجمال وصيته
جبنه فيته نقيس طولك من تفوت
كمنه من طولك نقيس الفيته
♥♥♥♥♥♥♥♥♥♥♥♥♥♥
كـــــــــــــون احط عينـــــي وراي
حتة وجهي يصير مو وجهي كفاي
وليـــــــــــش هاي الهوسة كلهه
حتة كلمــــن راح مني يصير جاي
♥♥♥♥♥♥♥♥♥♥♥♥♥♥
يا نقطه ضعف دلتك قوتك وين..
ويا فكره بعشرتك تختصرلي الصار؟؟
يلمروض صفنتي مو بمبدأ شوك..
سلطه حاكم بقبضه حديد ونار؟؟
امن افسر سبب هجرك أبدي من يا خيط..
من شاءت ضنونك شاءت الاقدار؟؟
بعيداا عالدمع والذله والشمات..
أهنيك بفركتك غير بيهه أفكار؟؟
♥♥♥♥♥♥♥♥♥♥♥♥♥♥
لتكلي التواضع ذله لا غلطان
كف عن التكبر جوز وتنزّل
الشمس يمكن جميله وهي فوك الراس
بس وكت الغروب اتصير ارق واجمل
♥♥♥♥♥♥♥♥♥♥♥♥♥♥
بس المــحترك يــفهم حـجي الدخان
ويعــرف حرورته ويفــهم سبب علته
مثــل عاشك بغـربهة و مره وكت غروب
يفـرفح من يـمر طاري الهـوى يموته
انه بخصر الســنابل جم حلــم ضميت
وطــعم شبكة المنجـل من رحت ضكـته
♥♥♥♥♥♥♥♥♥♥♥♥♥♥
مو كلمن عِشَكَ معناها مرتاح
مرات اعلى حبك تنقهر تندم
لأن مو كل بشر يخلص هالايام
تلكَة اللي تريده بهالوكت تحلم
يصح واحد يفهمك من العيون
وواحد لو تصيح بأذنه ما يفهم
♥♥♥♥♥♥♥♥♥♥♥♥♥♥
من صبر لصبر ضاعت أسنيني وياك
واني بالصبركل عمري ضيعته
كل هذا إعله مودك وانته ما حسيت
رحت لشخص ثاني وكلشي سلمته
مثل دمعة يتيم الگلب جان وياك
وانت بكل صلافه تگلي مشكلتك
♥♥♥♥♥♥♥♥♥♥♥♥♥♥
نعم إنت الشمع بس آنـه صرت الخيط
الفخر للخيط هو العله من صيتك
صحيح آني احترگ بس إنت مني تذوب
يعني بكل فخر گدامي بچـيتك
♥♥♥♥♥♥♥♥♥♥♥♥♥♥
انته كاس العالم انته المونديال
واحنه جمهور والك نقسم قسم
كلشي بيك انشجعه يخسر او يفوز
يعني اكلك حته شجعنه الحكم
♥♥♥♥♥♥♥♥♥♥♥♥♥♥
لاتصرف مشاعر يم عديم احساس
واحد بالالف تأثير ماتلكه
ولتسولف صدك يم اي شخص جذاب
لوقران تحجي بأذنه ميصدكه
من كتلك حبيبي صوتي بي دخان
جي من كلبي يطلع حجي بي حركه
♥♥♥♥♥♥♥♥♥♥♥♥♥♥
ترة ابداع القصيدة يريد كومة جروح
وموش جروح هينة جروح ممتازة
بحيث المطلع ترسمة بجرح مهضوم
واول كلمة بي تتوظف جنازة
♥♥♥♥♥♥♥♥♥♥♥♥♥♥
انت محد بايسك لا مستحيل
لان بخدودك سحر يكتل كتل
انت لو باسك طفل راسه يشيب
ولو يبوسك شايب ترجعه طفل
♥♥♥♥♥♥♥♥♥♥♥♥♥♥
احبك وارد احظنك حته احس بيك
وما اقتنع اني بألـــــف شبكه
تعرف من احظنك اني شيصير ؟
يمكن حته ضهرك هم اطكه
واذا كلبي يفكر يوم ينساك
اشعله بنار كلبي وبيدي احركه
♥♥♥♥♥♥♥♥♥♥♥♥♥♥
قصيده اعليك كاتب ؛ توني بأول بيت
غزل ناويها جيف اكليبي ماموجوع
كتبت اول سطر ؛ والثاني تدري شصار؟
خبر عرسك اجاني وغيّر الموضوع !!!
♥♥♥♥♥♥♥♥♥♥♥♥♥♥
نشرة الجـــو راد يقراهه المذيع
والقناه بالخبــــــــــر رادت تنفرد
كاتبين الدنية والجـــــو مو تمام
غيـــــــم بيها وعاصفة وبيها برد
راد يقرا النشرة بس انت اجيت
صاح باجر تمطر الدنيـــــــــة ورد
♥♥♥♥♥♥♥♥♥♥♥♥♥♥
طبع بالناس تلعب من يجي العيد
وانت العيد هوه يلعب ويـــــــــاك
وجذب مو صاك انت الصــاك تربيع
لان لو شاف حسنك يفقد الصـاك
من كد ما رقيق وتتمرض بــساع
أذا تشرب عصير تطكك شــــفاك
♥♥♥♥♥♥♥♥♥♥♥♥♥♥
منو گلك انــه راح ازعل عليك
لا وحگــك والزعل مـو ثوبــي
وحتى لو ثوبي و اريد ازعل عليك
راح الـبـسه لـخـاطرك مكَـلوبـي
♥♥♥♥♥♥♥♥♥♥♥♥♥♥
أمر لو راد ربك لازم يصير
ربك جمعنه أشبيك محتار
وأذا نفترك يعني أنعاند الله
وأكيد العاند الله يروح للنار
♥♥♥♥♥♥♥♥♥♥♥♥♥♥
اكو صاحب صدك طيب بلا طيب
واكو صاحب حقير بلا حقاره
واكو صاحب يخلصك من حلك ذيب
واكو يبيعك مقابل نص جكاره
♥♥♥♥♥♥♥♥♥♥♥♥♥♥
علمنــــي الــــوكت اصبر علـــى الراح
واعيش بهل الزمــــن واتنعم بقهــــري
واكابر على الجرح وامسح دموع العين
واجوي النار بيدي وانجــــــوي بجمـري
مشيت ويه الحزن من الصغــــر لليـوم
وتحملته برغـــم طعناتـــــه لبظهــــري
وتكول الناس يضحك ابـــد ما مهمــوم
ما يدرون همـــــي مخـــزن بصــــدري
الدنيا ويـــــــاي تمشــــــي مكلــــوب
تسرك ضحكتي وتتحكــــــــم بعمـري
خذت منــــي العزيز وباكت الخـــــلان
وخلتني بهضيمــــــه وحايـــــر بأمري
♥♥♥♥♥♥♥♥♥♥♥♥♥♥
اگلك شغلة بس لا تزعل وياي
گبل ما اگول احلف حتى اگلك
جمالك مو طبيعي مسودن الناس
من يا مله انت اشتعلوا اهلك
♥♥♥♥♥♥♥♥♥♥♥♥♥♥
عجيبه الخيانه بكل سهوله اتصير
والأكثـــر عجــــب الخانك تثق بي
قبل جــان اليخـــون ايدنــك الراس
وهسه ايخون يمشي ومانحس بي
ترى يوســف أخـــــوانه أبير ذبــوه
وأنت البير جبته وكتلي طب بي
♥♥♥♥♥♥♥♥♥♥♥♥♥♥
فعل ماضي الفرح رفعته الايام؟
ومفعول الحزن خلته منصوب..
ألمن نبني للمجهول ضحكات؟
أذا بس للحزن مجروره الايام
♥♥♥♥♥♥♥♥♥♥♥♥♥♥
بعد ماريد اشوفك قررت انساك
ﻷن مثلك بشر بذات ميهمني
ردت بس كلمة حلوة منك اسمع يوم
وكﻼمك بس هموم وقهر ويغثني
بعد مااكولك حبيبي خليهه رسميات
... ﻷن ماعندي حب وياك يجمعني
♥♥♥♥♥♥♥♥♥♥♥♥♥♥
الصور الشعرية
گلت من الشماتہ أخلص زرت الأگبور
....... گعد ميت يگلي شلون (عافك) !!
♥♥♥♥♥♥♥♥♥♥♥♥♥♥
انترس جسمي وبعد ما ياخذ اجروح
بغيابك كمت اضمهن بالعلاليك
♥♥♥♥♥♥♥♥♥♥♥♥♥♥
على كيفي من احبك مو احبك حيـــــــل
شويه شويه أحبك حتى ما تخــــــــــلص
♥♥♥♥♥♥♥♥♥♥♥♥♥♥
اذا انتـــه العزيــــــز وهيــــجي سويـــــت
ســـلام اللــه لعـــد اعلـــــى النواقيـــــص!!!!!
♥♥♥♥♥♥♥♥♥♥♥♥♥♥
انه ضارب ركن واتأمل تعود
وكع حته الركن كد ما ضربته
♥♥♥♥♥♥♥♥♥♥♥♥♥♥
همزين السنه مو كلهه عاشور !@!
لان تكتل كتل من تلبس اسود !@!
♥♥♥♥♥♥♥♥♥♥♥♥♥♥
اجاني العيد والوادم يعيدون
حرت شلبس كلت خل البس العيد
♥♥♥♥♥♥♥♥♥♥♥♥♥♥
اجه منك جرح حبيته هواي
ومن ما كدما حلو دلعته جوجو
♥♥♥♥♥♥♥♥♥♥♥♥♥♥
أتصور من دوني أنت عود تصير
من تشوف الفيل بعينك گام يطير
♥♥♥♥♥♥♥♥♥♥♥♥♥♥
لو مو أني شلون تعرفك هاي الناس
جنت مكبر راسك وانت مالك راس
♥♥♥♥♥♥♥♥♥♥♥♥♥♥
اذا قصدك تذلني بغيبتك غلطان
انه انذليت اول ماعــــــــــرفتك
♥♥♥♥♥♥♥♥♥♥♥♥♥♥
لتسامح بعد يا كلبي خيولون
ربهم خل يسامح اني مو ربهم
♥♥♥♥♥♥♥♥♥♥♥♥♥♥
شـــنــــق نــفــســـه الــقــلــم من ســمــع بيه ومات
لأن عالــــورقـــه كـــتـــلـــه اكــتــــب تـــفـــاركــنــنـــه
♥♥♥♥♥♥♥♥♥♥♥♥♥♥
سمي بأسم ربك يل نويت تروح..
شرعا تدري عدنة اليذبح يسمي
♥♥♥♥♥♥♥♥♥♥♥♥♥♥
مارجعة الدمع من عيني من يطيح ؛؛؛؛
مثـــــل صحبتنة ماترجع بعد صعبة ؛؛؛
♥♥♥♥♥♥♥♥♥♥♥♥♥♥
دينار جان الكلب وطبع الاحبه طفل **
جي ما عرف قيمته وكت الزعل شككه
♥♥♥♥♥♥♥♥♥♥♥♥♥♥
صــح عــنـدك جــمـال يــذل الــعــيـون...
بـس عــنـدي كـــرامـــة تــذل جــمــالــك
♥♥♥♥♥♥♥♥♥♥♥♥♥♥
لا تحرك بكَلبي هذا بيتك جان
خاف بيوم ترجع وين اخليك
♥♥♥♥♥♥♥♥♥♥♥♥♥♥
مثل مقطاطة من تآكل بالاقلام ...
غيابك هيج ظل يآكل بروحي
♥♥♥♥♥♥♥♥♥♥♥♥♥♥
وجهـك حيـــل صــافي تــكـول تــوم كـــروز
وانــــا مــن الــشــمــس صــاحـولي ايـتو
♥♥♥♥♥♥♥♥♥♥♥♥♥♥
من كد ما فراكك غير الحال
يستنكف خيالي يوكف بصفي
♥♥♥♥♥♥♥♥♥♥♥♥♥♥
رد مع اقتباس
