كرب يوم النخافه وجاني الفراك
وعليه الموت اهون من الوداع
اخلصن اربع اسنين وجنهن ايام
ماادري اشوكت شو خلصن بساع
حديقه الجامعه وجنه عليهه ورود
وعله موت الورد هلكد تون الكاع
يدك بابي الهجر شسيكه دمع العين
وحزني وياي قاسي وادري بيه طماع
طبع الفرح واحد من يمر الروح
انهجم بيت الحزن هاكثر بيه انواع
********************************
سوي وياي كلشي مااكلك ليش
سيف انطيك بيدك هاك كطعني
بس عندي طلب ولخاطري اترجاك
ابوس اتراب جدمك لاتودعني
ماينطيني كلبي شلون عني اتروح
هم ينطيك كلبك تبتعد عني
الوكت جمعنه غربه وصرنه اعز اصحاب
بعد ماصرت روحي ياخذك مني
يريت ويه التخرج كون جيت الموت
عله اجفوفك اموت وبيهه تدفني
__________________________________________________ ______________
اباوع بالسمه كلما يجيني الليل
واتخيل صوركم وسط النجوم
واشيل ايدي واصيح ودمعه تملي العين
اريد وياكم احجي شكثر عندي هموم
تعالو يمي اكعدو مو كتلني الشوك
وحك الله بجفاكم ماعرفت النوم
عمري بلايه معنى من بعدكم صار
مابيه شي جديد وكله احس مفهوم
شهر الجاي اشوفعه مثل شهر الراح
بس اسم تغير والامل معدوم
زاعلت الفرح جي ادري بيه مفضوح
وعاشرت الحزن جي ادري بيه مكتوم
تعالو وحشه وحدي نضب زيت الروح
واشباح الالم بس عله اجروحي اتحوم
تعالو مو نحل جسمي من الفراك
كوه امشي نحيل وساترتني اهدوم
شفت غيوم مرت بالسمه وحسيت
رحيل احبابي عني رحلت غيوم
سنين الجامعه مثل الحياة والموت
شماطالت عليه ايصير محتوم
عودني الوكت كل الاحبه اتروح
نهايه لكلشي ادري وماكو شي
الفرق بين الامس واليوم ساعات
شيرجع امس ويصبح اليوم
رد مع اقتباس
