يل شعرك
شمس وعيونك أطول ليل
واخدودك
گـمربيهة شضية لـــيل
وضحكاتك
أحسهة هلال ومحمر
ضحكاتك
تعيدني وتردلي الحيل
ولو هب الهوة بملـگـاك
تنفل الشمس
وتسلم اعلة الليل
وتبوس الـگـمــر شمسك
يل روحك ربيع إشمال
وحس البادية حســـــك
دنية انتة انبعت تجهل
حمد والريل
دنية انتة ولــــك دنية
ومن تضحكلي يعني
الدنية ضحكتلي
ولو سالت إدموع اليل
تمطر عل گـمر
وإعلة الهلال إتــسيل
صدگ يادنية مني اخذوك
ونثروهة الشمس
وانتة إعلة چـف الليل
والدنية مجبورة
بحضن
غيري
إتنام
وغير اولام
غير اولام
گـمرينك اشفافة ورود منهة
اتشيل
احبك حيل ..لامو حيل
بفراگـك خذت
من عندي كُـل الحيل
احبك
بس احبك
ما احبك
حيل
يسألني عليك الماي
يسأل وين ولفك ؟
لوني من طبعة
ويسألني الدرب عنك
وولاية هوانة
وشجرة التفاح
وغزلان الدلال الما كلت
بس هيل
وينك جيت .. الك حنيت
مر طيفك علية وجيت
وطرت مثل الفراشة
ولا عطر شميت
ورجعت لحزن موالي
واصيح الويـل انة
الياويـل
ومشيت لدجلة بجروحي
اشكيلة الم روحي
شلت بيدي مكاتيبك
وابوسهة اضنهة اخدود
وعلة جرف النهر
عاشـگ شفت ممدود
كلة جروح تنزف
والجفن مجروح
سألتة ؟
وصارت إدموعة
اعلة جرحة اتسيل
ضنيتة بـچـة
لجروحة هاي البيه
ومن ملح الجرف
الحضن جرحة بحيل
طلع يبـچـي
اعلة حال گـليبي من فرگـاك
انة گـلبي
مثل هلزلمة كوم يسيل
سچة ريل انة
وانتة احسك ريــــــــــل
وگـلت هسة تمرني
وتعطل بصدري
انصبو سـچـة جديدة
وراح بيهة
الريل
وانة العاگـول غطاني
وصفير الريل اسمع
من يمرني
الــــــيــــــل
رد مع اقتباس
المشاركة الأصلية كتبت بواسطة امجد الهاجري
