يمرني الليل شايل بيدة ذكراك
وأحنلك حنين الشالته النوك
وأشرب من صورتك نخب الوداع
وأشمنك عذيبي بصدر مخنوك
تعال اعليك جرحي وشوفني شلون ..
الك زارع محبة بصفنة الشوك
جثيرة أحلوگ كالت چنه عافاك .!!
تعال ارجوك سكت هاي الحلوك
تدريني اعله دربك زارع الروح
وعله حايط خيالك چفني مدگوك
أفتوگ ايام حزني تسلم أعليك ..
منو غيرك يجيني يشل الفتوك ؟
لغيرك ما كلت صدگني مشتاك
والمشتاگ بس لشخصك تلوك
تعال العين ظلت تطلگ اهات
وخايف ماتجيني ويقوة الطلوك
الك شجرة عشگ زارعهه بالبال
وبيهه الساگ يسمع صوت العروك
أتانيك بدمعتي اوحشة البيت
بصفنتي ويالشعر بأحساس محروك
رد مع اقتباس
