كان ياما كان يم جرحي القديم
صورة لچفوفك گبل لا ينكتل
وچان فارس خنجرك وسط الدليل
من يفوت اعنان اسمع بي صهل
وانه ما اعرف گبل شنهو اليخون
گلبي ابيض چان من يعشگ طفل
انا جاهل بس جرح چفك چبير
من اگدرك بالگبر تگعد عدل
انته ما يرهم زرع طيب لهواك
الگاع من تبور ماينفع شتل
وبعد اسولفلك عله الراحن وراك؟
عيني والضحكات ومراضه وزعل
وچان ياما چان حبك بيه مات
الموته اذكرهم لون بيك انسال
چانت الصفنة بهواك اگضيلي يوم
هسه من ذكرك صفت عيني تمل
تمشي فوگ الگاع بعدك ماهويت
بس انه ابالي اكل وجهك نمل
الگعده من اتصير صعبه اتفلها ايد
وروحي ماتنشاف بس گدرت تفل
وچان ياما چان ارجعلك عليش
انته كلك ماترس حبك سطل
كلم العاقل عله خرافة حجيك
وكون صدگ هذا مايملك عقل
انه ارجع لون طبگت سماي
فوگ گاع الله ويدگ بوق الاجل
رد مع اقتباس
