اجمل شعر شعبي عن عيد الحب
اجمل شعر شعبي عن عيد الحب
بعنـوان
( كـل دقيقـة 2014 )
كل دقيقة وانتي روحي
كل ثواني انتة حبي
فدوة اروح العمرج اني
اني هم يا بعد كًلبي
على حبك خلي حبي
خلي نبني حب جبير
حتى كل عام انتة تبقى
حبي الاول والاخير
تريد عمري هاك عمري
هو غير انتة العمر
تريد روحي هاك روحي
وانـتة تأمرني امر
كل عمر وانتي حبيبي
كل دقيقة وكل شهر
عطر لا تهديلي فدوة
فراك ياعمري العطر
انتي عيني الشفت بيه
اني جنت اعمى قبل
ملل جانت كل حياتي
هسة كل يوم احتفل
شكد حلو لو هيج نبقى
كَلب واحد جوة روح
وياك لاخر نفس يمك
لحظة منك ما اروح
ممحتاج لغير حبج
كلشي غيرج ما اريد
عيدي مو كل عام احسك
كل دقيقة وياك عيــد
ياحياتي الي عشت بيه
يا نظر عيني وهواها
لو كَلت مليار احبك
هم قليلة مــو هواي
روحي انتي وعمري انتي
اختصرلج كلهن انتي
حتى من وياي اصفن
يعني مريتي بصفنتي
انتة عيني الشفت بيه
جنت عمية اني قبل
ملل جانت كل حياتي
هسة كل يوم احتفل
رد مع اقتباس
المشاركة الأصلية كتبت بواسطة ♥♥فيروزة♥♥
