ولوف ونفور
من الريد بخاف
زى ماتقول غزيل
لى صيادو شاف
يخشى دوام وصالك
فاكر الريد غرام
يجفل من حنانك
يتهرب دوام
مرة وصالو وافر
مرة شحيح نفور
يخفى عليك مشاعر
ومن حولك يدور
يبخل بالتلاقى
ويتحاشى الظهور
ان جاد مرة صادف
وديع وظريف تملى
يغريك بى دلالو
بى لطفو ووداعتو
وزاهى كمال بيانو
ليك تملى يسبى
منو الكلمة عطرة
تعبر لى فؤادك
تسكن بين ضلوعك
تنسى معاها همك
وتفرح بيها ديمة
تنسيك المأسى
ولحظاته الاليمة
الا نفور وجافى
بخلان بالسلام
فاكر الريد حكاية
مصحوبة بغرام
ماهو غرام وحاتك
مودة بريئه خالصة
بعيدة عن الغرام
استلطاف وحاتك
وتقدير والسلام
ود جبريل
رد مع اقتباس
المشاركة الأصلية كتبت بواسطة عاشقة كربلاء
