تريد تمشي شلازمك دربك سلام
روح دعـــوة والــده اطفــي الجــمر
شتحـــسب لرجــواك اذل الكــبرياء
انه فــوكَـ الغـــيم خــل روحـك نسر
شكَـد تـريد اطــير هــم لازم تطـيح
كَـــبلك المـــطيار ذبيــــته كَـــشــر
دور القـــرأن وســمع عـــل لهـــيب
هيـــج روحي تفـــور تنطـيني جـمر
انتـه مـن قاسـوك وي طـولي حرام
ضلـــي ثلــث اقــرون وتعــده الكسر
ونته جـــيب الكــون خل يـوكَف وراك
صدكَـ انتــه اطـــيح مــا تـــوصل شبر
الباب يــوسع للجـمل ما تسوه اكَول
مـن اقـــل زاغـــور مـــا تعـــبر حصـر
الشاعر علي كاظم الصبيحاوي
رد مع اقتباس
