ارد احب اللـيـلـة ماضلـن وحيــد
ليش اضل مگرود ماعندي آنة خل
اجفوف تتشابگ وضحكة اطگ كلام
احضان بوسات وسوالف بيهة امل
ماعليـة اليــوم دبرولــي حبيــب
حتلــو ايجـار بـس خــل احتفــل
گولـوا للفـارگ حـرام اليـوم عيـد
ولـو بـس يحـظـر الليلـة عالأقـل
الله ما يرضة على اليكـــره اكيـد
واليحـب اضمنـلـة للجـنــة وصـل
ايذبة بالنـار الله كلمــن مو حنيـن
الما توضـة بوجنـة ابـد مـا ينقبـل
تربة العاشگ...وجه.. شفتك جبين!!
وقِبلــة لَتــدور.. بالمبـــاوس قُبل
حِنو يا ضـلام مشونـي ارد انـــام
الليل ماكـل راســي ماخلـة عقـل
الما يحب وماشة عشاگ انة اگـول
ابين نـاس تصلـي چن كافـر دخـل
يلة الحــگ گول احبــك لا تخــاف
هية كلمة وداعتــك كلــش سهــل
ولا تكلف روحـك بصوتــك تصيـح
عادي بس اشــر واجيـلك بالعجـل
بكلشي قابل بس اريد انحب واعيش
اليمتى اتاني اهلال صوتك ما يهـل
وحتة ميسئلونـي شـاب ابلا حبيــب
اتمنـى مـن الـلـه يرجعنـي طـفـل
................................
ابراهيم الجابري
رد مع اقتباس
المشاركة الأصلية كتبت بواسطة نانسي
