هنا

[ملكةه]

ضيعني ألزمن ضيعت يتيم أبسوك
شماطخ بعبايه يكول هاي أمي

لأن ماعندي صوره وياك بالبيت
جومت المكان البي كعدنه..

سكف راسي يخر من رحت لليوم
ينكط ذكرياتك ذكرة ذكرة

احس روحي طفل ماشايل فلوس
وانت منين ماعاين دكاكين

ماحب الدمع لو جف بلعيون
اخاف انسه البجي ويرتاحن عيوني

من كد ما صفنتي اطول مرات
على اجتافي بنت عش العصافير

شيب واهسي من كد الفراك
وحدب شوف عيني وانت ماجاي

ادور بلدروب البيهه حاجي وياك
بلكت كلمه منك طايحه اسمعها

شيسد حلك الفراغ العفته بجفاك
شكثر وكلته ناس وبعده جوعان

صدكني بغيابك ابقى محتار
مثل اخرس يريد ايعايد امه

انا جروحي أصبحت مثل ألبراكين
كلما يهدى واحد ينفجر ثاني

على سجت الخاطر فات هجرك ريل~
ماظل بيه خاطر خاطر اتكسره~

روحي مابيهه عشك خلص عليك~
منين اجيبلهه اذا رادت تحب~

كال اكشخ وجيك ونلتقي اهناك~
اجاني النوب مهتم لابس الموضوع~

[ليث الشمري]

شمالك من تخط كلماتك تعدني
وادري بيك ناسيني شلون حبيت

[حيدر الغديري]

رؤؤؤؤؤؤعات