حبيبي العشگـ عند أهلي حرام
واليحب من عدنه أيعـآقبونه
:
يحسبوهه جريمه ومابعدها اجرام
والحُكم أبلحظه يصدر وبلحظه ينفذونه
:
وبلآيه رحمه نترحل سويه للأعدـآم
وأدعي كون ابگـبر واحد يدفنونه
:
وكلامي هذا مو محظ أوهـآم
وقـآنونهم هذا ولازم علي يمشونه
:
موگـتلك..قبل..مايعترفون بـ الغرام
و صدگـني أشمـآ نفهمهم مايفهمونه
:
لــ تگلي آنه أگـدرلهم ومن هالكلام
هُم اللي مـآلو الزمن وهم اللي يعدلونه
:
خلنـآ..بعد مـآ نلتقي بــ هـ الايام
اللحد مـآ أحس قلبي..أتحسنت اضنونه
:
بس أوعدك نتلآگــه بالاحلآم
وأضل ابقربك ونبعد عن اللي يبعدونه
:
لآ..لـ تعـآند وأتگـُلي بعد مـآنـآم
موبس بهالوسيله البيهـآ ميشوفونه
:
خير حبيبي..؟أكو شي علي ضـآم
وأشبي وجهكـ تغير لونه..؟
:
حبي..لآتحجي وتبدي ترميني بســهـآم
خلك حبيبي وبروحك خلني مسجونه
:
وأريدك أتشوف ابهذـآ ألضلآم
القمر على حالنه دمعن اعيونه
:
صح علينا البعد أصبح سام
ومرات الصبر أنفكر نخونه
:
ومرات الشوگـ اتسوي الدقيقه عام
وصار الوكت مدري ويانه اشلونه.؟
:
أدريهـآ أزمه وراح اتعدي بسلآم
ويجي يوم البيهـآ وحدنه يخلونه
:
يضل حبك علم فوگـ الاعلآم
وتضل بس روحي ليك مرهونه
:
وقبل لآ اروح ترى قلبي مدر من اشوكت صام
ويريد هسه من اشفافك عونه..]
رد مع اقتباس
المشاركة الأصلية كتبت بواسطة المهندس مثنى
