طفح بهمومي دلالة بلا حد
وخنجر ملخ اجبودي بلا حد
وتواعدني السبت مرة بلحد
خميس اليوم شو ما مريت بية
طفح بهمومي دلالة بلا حد
وخنجر ملخ اجبودي بلا حد
وتواعدني السبت مرة بلحد
خميس اليوم شو ما مريت بية
الكمر ماخذ يعالم منك احلى
شكد يرتاح كلبي منك احلى
اكتله الكال واحد منك احلى
حبيبي وفصلو تفصال اليه
ودلاي رسالة تعبر اعلى الشوك ودلاي
ومثل ما اوديلك يا ترف ودلاي
دلو غيري يجي متروس ودلاي
يجي من البير ناشف بين ادية
يهل شاغل قليبي وانتباهه
اترك الروح بعدك وانتباهه
جنه طيور نضحك وانتباهه
واجن غربان كسرن جنح بيه
حلو طولک يقابل قبل قبله
جمالک ما شفت لليوم قبله
اذا قيس ابجوابک گال قبله
قبلت الموت بس تقدم عليه
خذه زاد الذيذ و نطه بسکات
گضه عمري انه وياک بسکات
علينه ليش تلعب فلم بس کات
لان حقيقه و هاي هيه
اظل اكتبلك ابوذيات للفجر
يلي عشقناك البنات شهد وفجر
ياخلف غلاك بقلبي انفجر
لان ماشفت مثل بين البشريه
مليت من بعدك ومليت من حبك
كرهت كل من باسك ع خدك وحبك
لطاحونتا شي يوم يجي حبك
يومها يصير العتاب يلي ماتحس بييه
حلاك احلا من عسل النحل
ياريتك في مدرستي والاسئله سوى نحل
وبعد الدوام كلنا من المدرسه نحل
وعسا التفوق يكون لك مايكون لييه
