عليل وكون اطيبن يوم وابره
ومن ذنب الجنيته ارتاح وابره
عشرتي وياك عشرت ثوب وابره
يبززني واكول يروف بيه
عليل وكون اطيبن يوم وابره
ومن ذنب الجنيته ارتاح وابره
عشرتي وياك عشرت ثوب وابره
يبززني واكول يروف بيه
لأجل حبك صرت للناس شلال
ودمع العين من فركاك شلال
اذا انتة بحر وتصير شلال
اصيرلك جبل غصبن علية
وحگ الله ابجمالک مالگينه
کثير انذال لجلک مالگينه
حسبت انته ابسوادي مال گينه
لچن فرگاگ هيچي السوه بيه
وكتي ناره بكلبي ولدها
ولكمتي توصل لحلكي ولدها
أليالي تكلف أهوايه ولدها
أسكت ولحجي واجب عليه
ياهو الكال ناسيكم واكلكم زاد الطيب معدنكم واكلكم
من ارض الخصيب بشوك نذكركم واكلكم
ليالي الشوق ظلمة ليل ممطر واكلكم
ثوب البعد نار وتحترك بيه
علي يا حاضر الشدات ضاگت
روحي من ملال الصبر ضاگت
اجيت اسئل طبيب العلل ضاگت
طبيب انته يبو الحسنين اليه
تظن انته عسل و سکر اني
و نذکر کلمت المله سکراني
حسبت انته ابکلامي ساکر اني
سکر انته وعسل و هاي هيه
الوكت سيف النذاله حد بينه
جزه وثبت ثوايه وحدبينه
يهل تنشد عليه حدبينه
وظن ذني علامات المنيه
دليلي بشوك حبك مايع اني
صرت موطة علة شفتك مايع اني
اذا تعطش اشربك ماي عيني
الك شلال جاري بين ادية
