ماني ابعازتك ؟ قلمي البسيط
والله مــــاني ابعازتك
خل تــولي احجــايتك
عمي صح انـــه فقير
ولاني ابـن اولايتـــك
بس اكلك كلبـــي راد
اي وحـق رب العبـاد
اشلون نعلنهــه حداد
كشرة هيــه اسوايتك
ليش ذليت الهـــــواك
مو جنت انـــــه فداك
انت بايعني شجـــــاك
الغدر هيــــه اهوايتك
انت مـــا تعرف تحب
الدنيــا حاسبهه سلب
هي حسبالــــــك نهب
ابفصــل واتشد رايتك
انت غلطــــــان شكثر
مـــــو لعب هذا العمر
وياك مـــــا ينفع عذر
كلي شنهي بغـــــايتك
بايع بـــــارخص ثمن
وبيـــــه طعناتك جزن
بس بعدهــن مــا كفن
سم جرعت ابمــــايتك
والله مـــــاني ابعازتك
بقلمي البسيط
واثق الكرناوي
رد مع اقتباس
المشاركة الأصلية كتبت بواسطة نبضاتي عراقيه
