مـيـسـان جـيـتـچ عـشـﮓ
شـايـل دمـع وعـتـاب
انـشـد وجـوه الـغـرب
چـانـوا حـرس لـلـباب
والـسـلـف حـضـنـه بـرَد
وحـبـاب ﭽـنـهـه حـبـاب
بـوجـوهـم وحـشـتـي
لـيـلـه وﮔـمـرها غـاب
*** *** ***
مـيـسـان شـوﮔـي بـﭽـه
مـا رضـه بـجـيـتـه ويـاي
يـدري الـوكـت رخـصـه
مـر ومـشـه الـشـراي
فـيّ الـمـضايـف نـبـح
ريـحـة وطـن بـﭽـلاي
عـضـنـي وبـﭽـه دمـعـتـي
بـلـواه مـن بـلواي
*** *** ***
مـيـسـان جـيـتـج فـرح
والـدمـعـه تـرس الـعـيـن
لـهـفـة بـﮕـايـه الـعـمـر
شـايـل عـطـشـهـه سـنـيـن
انـي ارد شـوفـچ عـرس
خـويـه الـحـزن مـو زيـن
نـلـبـس بـيـاض الـفـرح
نـنـزع سـواد الـبـيـن
*** *** ***
مـيـسـان اجـيـتـچ عـمـر
بـسـنـيـنـه مـا مـر طـيـف
مـر بـيـه سـراب الـوكـت
عـطـشـان دمـعـة صـيـف
مـا تـشـفـي جـرح الـمـضـه
عـطـابـة الـيـاحـيـف
نـفـسـي ارد ابـوسـچ وفـه
وغـفـه بـثـنـيـتـچ ضـيـف
*** *** ***
مـيـسـان مـا ظـل دمــع
بـيـن الـشـواطـي ابـﭽـيـه
بالـجـفـن خـضَّـر رُمـد
بـيـش الـرمـد نـسـگـيـه
والـلـيـل ﮔـلـبـه صـخـر
بـاﮒ الـنـعـاس الـبـيـه
امـشـي عـلـدربـچ سـهـر
بـلـكـي الـوفـه نـلـﮕـيـه
*** *** ***
مـيـسـان روحـي الـهـلـچ
غـابـت سـوالـفـنـه
شـوﮒ الـجـزاه الـعـشـﮓ
مـا يـسـوه جـيـتـنـه
حـصـتـچ وطـن يـحـتـرگ
بـعـيـون لـمـتـنـه
وإعـلـى الـجـرايـد وطـن
مـرسـومـه حـصـتـنـه
للشاعر/ حسن حاتم مذكور
رد مع اقتباس
