دكيت بابي من الصبح...
مرت سنة!...اي اعترف..جرحك لهسه اكبر جرح
لتبادر وتنوي العشك..
...وبفاس ذكراك انهدم اخر صرح
امنيتي جرحك ينستر...
كدما ادنك راسي من اسمك يمر...
والفشلة تصرخ منفضح...!
ولتخاف..عشت بظلمتي..
من اولى ليلة بوحشتك نديتلك عيني شمع!..
جايبلي صوغة خنجرك؟!..
ماقصرت!..جيت بوكت عايز ضلع!..
من عيني كتلك بس اخذ..
ومن اجو شماتي الك..
بيها عرفت بيش انبعت..
كلتلهم برخص الدمع!..
ماهزتك؟!..ذكرى ولو رجفة صدك!!
من كهف فد ذكرى تفز والها ضميرك يستمع؟
الفين كسرة خاطري..واثنعش..موعد منلغي
حاصل جروحك بالضبط الفين يطلع واثنعش كسر بجمع!
رد مع اقتباس
