قالولى عنك
وصفوك لى
وحكولى عنك
صدقتهم قربت منك
وعرفت كل القالوهو عنك
ما بوصف حاجة منك
باين عليهم اتخيلوك
لماحاولوا يوصفوك
لكنهم تب ما رؤك
ولا طالعوك لمن رؤك
ما قالوا لى عينيك دنيا
روعة جمال ولا فى الخيال
منك بغير حتى الغزال
ما كانوا بحكوا عن اللحاظ
كيف بجرحن
والسهام كيف ترسلن
ولا قالوا عن صافى الحور
المات جرير من روعتو
حسرة وكمد
ما عرفوا طعنات السيوف
فى نظرة ذى سيفا صرع
فى القليب صاب وانغمد
ما قالوا فى خدك زهور
فواحة بى احلى العطور
خلت فراشات الرياض
مزهوة من حولك تدور
ما وصفوك لمن رؤك
ولا انصفوك
لما عنك قالوا لى يوصفوك
ما قالوا لى عنقود ثريا
يتلالا مابين الشفايف
لمن تجود بى بسمة
ساحرة ومزهلة
ما قالولى فيك القوام
بانا باثقه ممهلة
زايداك فوق الفيك حلا
ماقالو لى متل النسيم
طبعك حلو
والطبع الفيك فريد
وجمالو انت مكملو
رسمك بديع
يتجلى الاله سبحانو
كيف سواك صورك
خلاك اية من الجمال
مزدانة بى روعة خصال
فوق البشر ندرة مثال
يا احلى من نسمة صباح
وارق من نسمة مسا
تسرى وتطوف
بعبير اكاسى ونرجسه
خسروا كان اتخيلوك
ولا كانوا اتوهموك
لما حاولوا يوصفوك
غشاوة كانت فى العيون
حجبت رؤا بيها بالكاد يبصروك
ود جبريل
رد مع اقتباس
المشاركة الأصلية كتبت بواسطة النقيب
