الشاعر الرائع زهير العرماني 2014
..................................
كلشي يهون
جرحي وشدتي وطعنات اليغدرون
كلشي يهون
ماظل شي بعد يستاهل الصدمات
ظلتلي سوالف غافيه بچـانون
انه ندمان عندي ذنوب ويه الورد
چنت اشتمه واسگي دمع مالح
آنه مو قصدي لچـن دمعي بشغف مجنون
نسيت ويا الورد متغزر ملوحه الملح سم للورد كتال
والماي العذب يرويه بس اتخيلت مظمون
ميغزر عسل وي ناس ما يوفون
سنيني اتطشرت چكليت عالعرسان
والطالع برائه وكل نذر منذور ما مهظوم لو مغبون
بس ياحيف غالي ورخص عمري لناس ما يسوون
باني العنكبوت بريتي من مده طويله ونفس ما اشتم
آخر مره اتذكر شهگت ايام حلوه ومره
بيهن موته يتمشون بيهن دمعه للمسجون
بيهن فرحه مال ايتام يتعشون
وآخر حسره طلعت خلفت ناسين
ناس اخلاقهم اخلاق جبرائيل
بس بفلس اقرب صاحب يبيعون
وناس بلا حيا ولا دين بس تخون ربهه وبالبشر متخون
والعنده وفه من گصته ينبع هور لو جابوله
طاري العشره وتسلطن براسه الخبزه والماعون
امنيتي افتش جرحي والگه انسان ماحبه
واگله الچمني وانكر شيب
البزلفي واردن جاهل زغيرون
يمته ارتاح وآنه بروحي بيرغ
محترگ و چـفوف واعگال وگصيبه وچـرغد مرقط
وحيره وچم لغز مدفون
شكتب يا وصية موت اذا گلبي مجله وربعي ما يقرون
اعرف الحچـو عني بوجهي وبمگفاي
احبهم حيل معذورين
باچـر من اموت ابطيبتي ايحلفون
اريدن بالمغيسل يدخلون وياي حتى گلوبهم
مو جثتي يغسلون
اريد جنازتي تمر على بيوت الطين
حتى اخذ بخت من وادم يشورون
اذا صحباني جانو فتره زعلانين
اريد ابچـادري الصحبان يتراظون
اريد بدفنتي الشمات يحتفلون
اريد بموتتي الخانوني يتأذون
اريد الما رثوني بعوزي لا يرثون
حتى انسه الوجع والظيم واتمدد
بگبري وتغفه عندي عيون........
رد مع اقتباس
المشاركة الأصلية كتبت بواسطة امورة المدريدية
